ଶ୍ରାବଣ ଆସିଲା

ଧାରା ଶିରାବଣ ଧରାକୁ ଆସିଲା

ବରଷାକୁ ସାଥେ ଧରି

ଟୁପୁରୁ ଟୁପୁରୁ ବରଷାର ଧାରା

ଧରଣୀରେ ପଡ଼େ ଝରି ।

ବିଲ ବାଡ଼ି ସବୁ ପାଣିରେ ବୁଡ଼ିଲା

ଚାଷୀ ମନ ଛନଛନ

ଚାଷ କାମ ପାଇଁ ବାହାରେ ସଅଳ

ହାତେ ଧରି ତଳି ଧାନ ।

ବେଙ୍ଗୁଲୀ ରାଣୀଟା ବୋବାଏ ସକାଳୁ

ମେଘୁଆ ପାଗକୁ ଦେଖି

କୁନା କୁନି ଦୁହେଁ ଖୁସିରେ ନାଚନ୍ତି

ଆକାଶେ ତରାଟି ଆଖି ।

ଗଛଲତା ସବୁ ହସେ ଖିଲିଖିଲି

ବରଷାର ପାଣି ପାଇ

ସାଧବ ବୋହୂଟି ଚାଲେ ଥିରିଥିରି

ଘାସ ପତରେରେ ଯାଇ।

କାଉଡ଼ିଆ ଭାଇ ପାଣି ଭାର ନେଇ

ଯାଉଛି ଶିବ ମନ୍ଦିର

ମାନସିକ ତା'ର ପୂରଣ ହୋଇବ

ଶିବଙ୍କୁ ମାଗୁଛି ବର ।