ବର୍ଷାର ଅପୂର୍ଵ ଅନୁଭବ

ବାରମାସ ମଧ୍ୟେ ଛଅ ଋତୁ ଆସେ

ସୃଷ୍ଟିର ଏହି ନିୟମ

ସବୁ ଋତୁ ଠାରୁ ବରଷା ଋତୁଟି

କିଣି ନିଏ ମନ ଆମ !

ନିଦାଘ କଷ୍ଟକୁ କରିଥାଏ ଦୂର

ଶୀତଳ ଜଳକୁ ଦେଇ

ଗଛ ଲତା ଯେତେ ହସନ୍ତି ଖୁସିରେ

ବରଷା ଜଳକୁ ପାଇ!

ଚାଷୀ ଭାଇ ଖୁସି କହିଲେ ସରେନି

ଆକାଶେ ମେଘକୁ ଦେଖି

ମୟୂର ନାଚଇ କଳା ମେଘ ଦେଖି

ପୁଛକୁ ତାହାର ଟେକି!

ବରଷା ଦିନରେ ଭିଜି ଭିଜି ପିଲା

ପାଠ ପଢିବାକୁ ଯାଏ

ଓଦା ସରସର ଦେହକୁ ତାହାର

ଖାତିର ଟିକେ ନ ଥାଏ !

ସାଙ୍ଗ ସାଥୀ ମେଳେ ଖୁସିକୁ ତାହାର

କିଏ ବା ସତେ କଳିବ

ବରଷାର ସେଇ ଟିକି ଅନୁଭବ

ମନରେ ସଦା ରହିବ !

ଅପୂର୍ବ ମୁହୂର୍ତ୍ତ ଆସଇ ଜୀବନେ

ବରଷା ଋତୁରେ ଆମ

ସେଇ ଦିନ ସବୁ ମନେ ପକାଇଲେ

ଖୁସିରେ ନାଚଇ ମନ !

ଫେରି ବନି ଆଉ ପୁରୁଣା ଦିନଟି

ଯାହା ଯାଇଅଛି ଚାଲି

ସ୍ମୃତିରେ ସାଇତି ରଖିବା ତାହାକୁ

ଅନୁଭୂତି କଥା ବୋଲି !