ସାବିତ୍ରୀ ବ୍ରତ

ଶୁଣ ଶୁଣ ପତି ଦେବ ମନ କର୍ଣ୍ଣ ଦେଇ 

ସାବିତ୍ରୀ ବ୍ରତ କରିଛି ଆଜି ତୁମ ପାଇଁ 

କେତେ ତପ ବଳେ ମୁଁ ପାଇଛି ତୁମକୁ 

ପୂଜିବି ଭକତି ମନେ ତୁମରି ପଦକୁ ।

ସେ ପାଇଁ ଲୋଡ଼ା ଭଲ ଶାଢ଼ୀ ଚୁଡିମାନ 

ଫଳ ମୂଳ ସାଥେ ପୁଣି ନାନାଦି ବ୍ୟଞ୍ଜନ 

ଲିପିଷ୍ଟିକ ଆଣିଦେବ ଓଠକୁ ମୋହର 

ମୁହଁରେ ମାରିବା ପାଇଁ କ୍ରିମ ପାଉଡର  ।

ନାଲି ଶଙ୍ଖା ଚୁଡି ଆଉ ନାଲି ପାଟ ପିନ୍ଧି 

ତୁମ ହାତେ ମୋ ହାତକୁ ଦେବି ମୁଁ ଛନ୍ଦି 

ଫଟୋ ଉଠାଇବ ସେଲ୍ଫି କ୍ୟାମେରାରେ 

ରଖିବି ତାକୁ ମୋ ଫୋନ ସ୍ଟାଟସରେ ।

ସବୁ କଥା ମନେ କରି ସକାଳୁ ଆଣିବ 

ସାବିତ୍ରୀ ବ୍ରତ ଆଜି ହେଳା ନ କରିବ 

ଉପବାସ କରି ପ୍ରଭୁ ପାଶେ ଭୋଗ ଦେବି 

ତୁମରି ପୟରେ ମୋର ମତି ରଖିଥିବି  ।

ତୁମେ ମୋର ଇହ କାଳ ପର କାଳ ସ୍ୱାମୀ 

ତୁମ ବିନା ଗତି ମୁକ୍ତି ନାହିଁ ଅଗ୍ରଗାମୀ 

ଅଳ୍ପ ରୋଜଗାର ତୁମ ନାହିଁ ପାଶେ ଟଙ୍କା 

ବ୍ରତ ପୂଜା ନ କଲେ ଯମ ହେବେ ବଙ୍କା ।

ତୁମ ଆୟୁଷ ଯଦି ନେବେ ଯମ ଛଡାଇ 

କିପରି ବଞ୍ଚିବି କୁହ ତୁମ ବିନା କହ୍ନେଇ 

ତୁମେ କାହ୍ନା ହେଲେ ମୁଁ ଯେ ତୁମ ରାଧା 

ତୁମ ବିନା ଏ ଜୀବନ ରହିଯିବ ଅଧା ।