Library
ନେତାଜୀଙ୍କ ପରି ହେବାରେ
ନେତାଜୀଙ୍କ ପରି ହେବାରେ
ହେବାରେ ହେବାରେ ହେବାରେ
ଚାଲ ନେତାଜୀଙ୍କ ପରି ହେବାରେ
ଜୀବନଟା ସାରା ଦେଶର ସେବାରେ
ମନ ପ୍ରାଣ ଢାଳି ଦେବାରେ
ହେବାରେ ହେବାରେ ହେବାରେ
ଚାଲ ନେତାଜୀଙ୍କ ପରି ହେବାରେ ।
କଟକ ଓଡ଼ିଆ ବଜାରେ ଘର
ଦିଲ୍ଲୀ ଚଲ୍ଲେ। ସ୍ଳୋଗାନ୍ ତାଙ୍କର
ଆଜାଦ ହିନ୍ଦ୍ ଫଉଜ ଗଢି
କହିଲେ ଆଗକୁ ଚାଲରେ ମାଡ଼ି
ତାଙ୍କରି ଭାଷାରେ ରକତ ଜବାବ
ରକତରେ ଚାଲ ଦେବାରେ
ହେବାରେ ହେବାରେ ହେବାରେ
ଚାଲ ନେତାଜୀଙ୍କ ପରି ହେବାରେ ।
ଶରୀର ଯେପରି ଅତି ସୁନ୍ଦର
ଭାଷା ବ୍ୟବହାର ତାଙ୍କ ମଧୁର
ସିଏ ଜଣେ ଭଲ ସୈନିକ ଥିଲେ
ସ୍ଵାଧୀନତା ପାଇଁ ସେ ଲଢ଼ିଥିଲେ
କହୁଥିଲେ ସଦା ଆମେ ଥାଉ ଥାଉ
ଦେଶକୁ କିଏ ସେ ନେବରେ
ହେବାରେ ହେବାରେ ହେବାରେ
ପିଲେ ନେତାଜୀଙ୍କ ପରି ହେବାରେ ।
ଜନମ ହୋଇଲୁ ଛୁଇଁଲୁ ଭୂଇଁ
ମାଟି ମାଆ କୋଳ ଦେଲା ବଢ଼ାଇ
ମାଟି ମାଆ ଲୁହ
ଦେଖି କୋଉ ପୁଅ
ଶାନ୍ତିରେ ଶୋଇ ଯିବରେ
ହେବାରେ ହେବାରେ ହେବାରେ
ଚାଲ ନେତାଜୀଙ୍କ ପରି ହେବାରେ ।
ନେତାଜୀ ତୁମର ତୁଳନା ନାହିଁ
ତୁମେ ପାଦେ ମଥା ଯାଏରେ ନଇଁ
ଆଦର୍ଶ ମଣିଷ ସଭିଙ୍କ ପାଇଁ
ତୁମ ଗାଥା କେବେ ସରିବ ନାହିଁ
କୋଟି ଓଡ଼ିଆଙ୍କ ହୃଦୟରେ ତୁମେ
ସଦାବେଳେ ରହିଥିବରେ
ହେବାରେ ହେବାରେ ହେବାରେ
ପିଲେ ନେତାଜୀଙ୍କ ପରି ହେବାରେ ।।
