ସ୍ୱାମୀ ବିବେକାନନ୍ଦ
ସ୍ୱାମୀ ବିବେକାନନ୍ଦ
ସ୍ୱାମୀ ବିବେକାନନ୍ଦ ଅତି ଗୁଣୀ ବ୍ୟକ୍ତି
ବିଶ୍ଵବିଜୟୀ ସେ ଥିଲେ
ବାପା ବୋଉ ଅତି ଶରଧାରେ ତାଙ୍କୁ
ଡାକୁଥିଲେ ପରା ବିଲେ ।
ପିଲାବେଳୁ ସିଏ ଅତ୍ୟନ୍ତ କର୍ମଠ
ଥିଲେ ଈଶ୍ବର ବିଶ୍ୱାସୀ
କୁସ୍ତି କସରତ ସନ୍ତରଣେ ତାଙ୍କୁ
ମିଳୁଥିଲା ଭାରି ଖୁସି ।
ତାଙ୍କରି ମଧ୍ୟରେ ଲୁକ୍କାୟିତ ଗୁଣ
ଜାଣି ଗୁରୁ ରାମକୃଷ୍ଣ
ଛାତ୍ର ରୂପେ ତାଙ୍କୁ କରିଲେ ଗ୍ରହଣ
ହୃଦୟରେ ଦେଲେ ସ୍ଥାନ ।
ସାରା ବିଶ୍ୱବାସୀ ନିଜର କୁଟୁମ୍ବ
ଭାବୁ ଥିଲେ ସିଏ ମନେ
ଜୀବେ ଦୟା ଭାବ ତାଙ୍କର ସ୍ଵଭାବ
ମିଷ୍ଟଭାଷୀ ଥିଲେ ଜଣେ ।
ଚିକାଗୋ ସହରେ ହେଉଥିଲା ଦିନେ
ବିଶ୍ଵ ଧର୍ମ ସମ୍ମିଳନୀ
ଆସି ସେ ଶେଷରେ ତାଙ୍କରି ଭାଷାରେ
ସାରା ମନ ଗଲେ ଜିଣି ।
ଚେହେରା ଯେପରି ତାଙ୍କର ସୁନ୍ଦର
ସ୍ମରଣ ଶକ୍ତି ପ୍ରଖର
ସ୍ୱଳ୍ପ କାଳ ଜୀଇଁ ଜୟ କଲେ ମହୀ
ତାଙ୍କୁ କୋଟି ନମସ୍କାର ।।