କାଳବୈଶାଖୀ

କାଳବୈଶାଖୀରେ କାଳବିଶାଖୀ

ବୈଶାଖରେ ଦେଖା ଦେଉରେ ଆସି

ଖରା କମିଗଲେ ଉପର ବେଳା

ମାଡ଼ି ଆସୁ ତିଳେ ନକରୁ ହେଳା

ସଙ୍ଗେ ଭଲ ପାଗ ସଙ୍ଗେ ଅନ୍ଧାର

ପତର ଧୂଳିରେ ଦିଶେ ଧୂସର

ଆଖି ନାକ କାନେ ଯାଏରେ ପଶି

ଯାଇ ହୁଏ ନାହିଁ ଆଗକୁ ଧସି 

ଯିଏ ଯେଉଁ ସ୍ଥାନେ ଥାଏରେ ଭାଇ

ଭଲ ସ୍ଥାନ ଦେଖି ସେ ଯାଏ ରହି

ଟିଣ ଓ ଛପର ଯାଏତ ଉଡ଼ି

ଗଛ ଭାଙ୍ଗି ବାଟେ ଯାଏରେ ପଡ଼ି 

ଉପୁଡ଼ିବି ଯାଏ ବିଜୁଳି ଖୁଣ୍ଟ

ବାଗା ଯାଏଁ ହୁଏ ବିଜୁଳି କାଟ 

ଫିରିଫିରା କେବେ ପ୍ରବଳ ଢାଳେ

ବୃକ୍ଷଲତାଙ୍କୁ ରେ ଆଶ୍ଵସ୍ଥି ମିଳେ 

ଆମ୍ବ,କାଜୁ ଯାଏ ଗଛରୁ ଝଡ଼ି

ଫସଲ କିଛିଟା ଯାଏ ଉଜୁଡ଼ି

ଭାଙ୍ଗଇ ସଜନା ଝଡ଼ାଏ ଭଣ୍ଡା

ଦାରୁଣ ହେଲେବି କରାଏ ଥଣ୍ଡା