ନୀରବତା—୨

କେବେହେଁ ଭାବନା ନୀରବତା ଏକ

ମଣିଷର ଦୁର୍ବଳତା ,

ମଉନତା ଏକ ଅମୋଘ ଔଷଧ

ସମାଧାନ ସନ୍ନିଧାତା ।

ନିଜର ହୋଇ ବି ନିଜ ସମ୍ପର୍କରେ

ଯିଏ ବଢାନ୍ତି ତିକ୍ତତା ,

ତାଙ୍କରି କଟୂକ୍ତି କାଟିବା ପାଇଁକି

ଶ୍ରେଷ୍ଠ ପନ୍ଥା ନୀରବତା ।

ସମ୍ପର୍କର ସୂତା ଦୁର୍ବଳ ହେଉଛି

ଆଜିର ଏ ' ବାସ୍ତବତା ,

ସମାଜରେ ଏବେ ସ୍ବାର୍ଥ ହିଁ ସର୍ବସ୍ବ

ଏହା ହିଁ ମାନସିକତା ।

ଦୂରେଇ ଯାଉଛି ମଧୁର ସମ୍ପର୍କ

ନାହିଁ ଆଜି ଆତ୍ମୀୟତା ,

ନିଜର ରକ୍ତ ହିଁ କ୍ଷତାକ୍ତ କରୁଛି

ସମ୍ପର୍କରେ ମଧୁରତା ।

ଜଟିଳ ହୋଇଣ ପରିସ୍ଥିତି ଯଦି

ଉପୁଜେ ଅସ୍ୱାଭିକତା ,

ସମାଧାନ ସୂତ୍ରେ ନିରବେ, ନିଃଶବ୍ଦେ

ଫେରେ ପୂର୍ବ ଆଦରତା ।

ଯନ୍ତ୍ରଣା ମନରେ ଆଶା ଜୀବନରେ

ପାଇବା ପାଇଁ ପୂର୍ଣ୍ଣତା ,

ଏକମାତ୍ର ସତ୍ୟ ଜୀବନର ବ୍ରତ

କେବଳ ହିଁ ନୀରବତା ।