Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Bharatabandhu Biswal

Fantasy Inspirational Others

3  

Bharatabandhu Biswal

Fantasy Inspirational Others

ପୂର୍ଣ୍ଣଚନ୍ଦ୍ର

ପୂର୍ଣ୍ଣଚନ୍ଦ୍ର

1 min
190



ଖୁବ୍ ସୁନ୍ଦର ଗୋଲଗାଲ

ଶରଦ ପୁନେଇଁ ଜହ୍ନ,

ରୂପେଲି ତା ଜୋଛନାରେ

ମିଠା ମିଠା ଜଳେ ନିଆଁ

ଛନଛନ ମନେ ଭରେ

କାଉଁରୀ କିମିଆ ।


ଜହ୍ନି ଫୁଲ ଉଠେ ହସି,

କଇଁଫୁଲ ଫୁଟେ ସରେ

ପ୍ରିୟ ପ୍ରିୟା ଓଷ୍ଠଧାରେ,

ନିଭୃତ ହୃଦୟ କନ୍ଦେ ,ଗାଁ ଦାଣ୍ଡେ

ବୃନ୍ଦାବତୀ ଚଉଁରା ମୂଳରେ ।


ସମୁଦ୍ରରେ ଖେଳେ ଢେଉ

କଣ୍ଠୁ ଝରେ ବଉଳର ବାସ୍ନା,

ନୃତ୍ୟ ଗୀତ ନାରଙ୍ଗୀ ପୂଚିରେ

ଦଶଦିଶ ଉତ୍ସବ ମୁଖର

କୁମାର ପ୍ରକୃତି ପ୍ରାଣ

ପୂର୍ଣ୍ଣ ଆନମନା ।


ଜହ୍ନ ର ଶୀତଳ ସ୍ପର୍ଶେ

ଜଡପିଣ୍ଡେ ଜାଗେ ଶିହରଣ,

ଚହଟେ ବାସ ଚନ୍ଦନ

କାୟାଛାୟା ବିମ୍ବ ପ୍ରତିବିମ୍ବ,

ମନତଳେ ଉଙ୍କି ମାରେ ଅସରନ୍ତି

ଉନ୍ମାଦ ଓ ସ୍ୱପ୍ନ ।


ଜୀବନର ଛାୟାପଥେ

ଜହ୍ନ କେବେ ମାୟା ମରିଚିକା,

ସହଜିଆ ମଜାଦାର ଲାଗୁଥିବା

ଏକ ଭୁଲ ରାସ୍ତା,

କର୍ମ ହୁଏ ଓଲମ ବିଲୋମ

ବିଷ ଲାଗେ ମିଠା ମିଠା

ପାଣିଚିଆ କଟୁ ତିକ୍ତ ଅମୃତ ବି

ଭାରି ପିତା ପିତା ।


ଜୀବନ ପ୍ରେମର ପଥ

ନିଆରା ଆଲୋକ ଗତି ସଳଖ ସୁଗୁଣ,

ସେବା ଭକ୍ତି ତ୍ୟାଗ ସମର୍ପଣେ

କେବେ କେବେ ଜହ୍ନ ଦିଶେ

ଭାରି ତୋଫା ସମୁଜ୍ଜ୍ୱଳ,

ପ୍ରସ୍ଫୁଟଇ ଅନାହତ ସୁମନରେ

ପୂର୍ଣ୍ଣଚନ୍ଦ୍ର, କୁମର ଶ୍ରୀ,

ନିଷ୍ଠା ପରାକାଷ୍ଠା ।



Rate this content
Log in