ଲାଇବ୍ରେରୀ
ପ୍ରୋଫାଇଲ୍
ଭିଜାଭିଜା ବର୍ଷା ଦିନ
ଭିଜାଭିଜା ବର୍ଷା ଦିନ
1 min
113
ଅମାନିଆ ସେହି ହଜିଲା ଅତୀତ
ହରାଭରା ବର୍ଷା ଦିନ
ସାଙ୍ଗସାଥି ମେଳେ ଗୋଳିଆ ପାଣିରେ
ଖେଳୁଥିଲୁ ଯେଉଁ ଦିନ ।
କଳାମେଘ ଦେଖି ହେଉଥିଲୁ ଖୁସି
ଭିଜିବାକୁ ସାଙ୍ଗ ହୋଇ
ସମୟ ସ୍ରୋତରେ ଚପଳାମି ଯେତେ
ମନ ଭାଙ୍ଗି ଗଲା ବୋହି।
ଅଳପ ବର୍ଷାରେ ରାସ୍ତା ଦୁଇ କଡେ
ବହୁଥିଲା ଟିକି ନଈ
ବାଲି କାଦୁଅରେ ବ୍ରିଜ ଗଢୁଥିଲୁ
ଭାଙ୍ଗୁଥିଲୁ ପୁଣି ମିଶି ।
ଚାଳ ଅଗଣାରୁ ଝରୁଥିଲେ ପାଣି
ହାତେ ପାଦେ ଖେଳୁଥିଲୁ
ଓଦା ହେଇ କେବେ ବାପାମାଆ ଠାରୁ
ମାଡ଼ ଗାଳି ଖାଉଥିଲୁ ।
