ଲାଇବ୍ରେରୀ
ପ୍ରୋଫାଇଲ୍
ବେସାହାରା
ବେସାହାରା
1 min
160
ଗୋଟେ ପଟେ ସାଗରର ଭୀଷଣ ଗର୍ଜନ
ଅନ୍ୟ ପଟେ ଜନ କୋଳାହଳ
ଆଗରେ ବିସ୍ତୃତ ବାଲୁରାଶି
ପଛରେ ଛାଡ଼ି ଯାଉଥିବା କିଛି ପାଦ ଚିହ୍ନ l
କୁଆଡେ ଯାଉଛି ସେ କଣ କରୁଛି !
ସାଗରକୁ ମାପୁଚି ନା ମୁକୁତାକୁ ଖୋଜୁଛି !
ଥକି ପଡିଛି ନା ସମ୍ପୂର୍ଣ୍ଣ ହାରି ଯାଇଛି !
ଏକା ଏକା ବେଳାଭୂମିରେ କାହିଁକି ବୁଲୁଛି ?
ମୁଁ ବି ତ ହାରିଚି ହେଲେ ମୁଁ ତ ବୁଲୁନି
ଏକା ଏକା ଚାଲୁନି କି କାହାକୁ ଖୋଜୁନି
ବସି ଯାଇଛି ମୁଁ ଫସି ଯାଇଛି
ଫେରିବାର ସବୁ ବାଟ ପଛରେ ଛାଡ଼ିଛି l
ତା ମାନେ !!କ'ଣ ସେ ବି ସେୟା କରୁଛି
ଯାହା ମୁଁ କରିବାକୁ ଭାବୁଛି
ନା ନା , ସେ କଥା ଭାବିଲେ
ମରିବାକୁ ବି ଡର ଲାଗୁଚି l
ଯିବି ତା ପାଖକୁ କହିବି ତାକୁ
ବେସାହାରା ଦୁଇ ପ୍ରାଣ ଗୋଟିଏ ହବାକୁ
ରାଜି ଯଦି ହୁଏ ପିନ୍ଧେଇବି ତାକୁ
ମଥାରେ ସିନ୍ଦୁର ଆଉ ପାଉଁଜି ପାଦକୁ
