ଅଧୁରା ସ୍ୱପ୍ନ

ଭଲ ପିଲାଟିଏ ହୋଇ ପାରିଲିନି 

କଳି କଜିଆର ଦିନ ମୋ ଗଲା 

ଭଲ କରି ଟିକେ ପଢି ପାରିଲିନି

ଯେବେ ମୋ ପାଖରେ ସମୟ ଥିଲା l

 ଭଲ ଖେଳାଳିଟେ ହେଇ ପାରିଲିନି

 ଯଦିଓ ଖେଳିବା ଥିଲା ମୋ ନିଶା

 ଭଲ କରି ଟିକେ ଗାଈ ପାରିଲିନି

 ଗାୟକ ହବାକୁ ଥିଲା ମୋ ଆଶା l

ଭଲ ପ୍ରେମିକଟେ  ହୋଇ ନପାରିଲି

ପ୍ରେମ ଦିନେ ମୋର ସାଧନା ଥିଲା 

ମାଟି  ଓ ଆକାଶ, ଜହ୍ନ ଓ କଇଁରେ 

 ପ୍ରୀତି ଖୋଜି ଖୋଜି ଦିନ ମୋ ଗଲା l

 ଭଲ ମଣିଷଟେ ହୋଇ ପାରିଲିନି

 ଜୀବନଟା ଲାଗେ ଅଧା ଅଧୁରା

ସମୟ ପାଇଲେ ଆର ଜନମରେ

 ଅଧୁରା ସ୍ୱପ୍ନକୁ କରିବି ପୁରା l