"ତୁମେ ଥିଲ, ଅଛ, ରହିବ"

ତୁମେ ଥିଲ ,ଅଛ ,ରହିବ
କେବେବସନ୍ତର ମୃଦୁ ମଳୟରେ
କେବେ ଆଷାଢର ପହିଲି ବର୍ଷାରେ
ବୈଶାଖର ତତଲା ଝାଞ୍ଜିରେ ପୁଣି
କେବେ ଫାଲ୍ଗୁନର ନାଲି ସିନ୍ଦୂରରେ l

ତୁମେ ଥିଲ,ଅଛ, ରହିବ
ମୋର ସବୁ ଦିନ ଓ ରାତିରେ
ମୋ ସ୍ୱପ୍ନ ଆଉ ବାସ୍ତବତାରେ
ମୋ ଆଖି ,ଓଠ ଓ ମନରେ
ମୋର ସବୁ ଚଲା ବାଟରେ
ମୋ ହସରେ ମୋ ଲୁହରେ
ମୋର ସବୁ ରାଗ ଅଭିମାନରେ l

ତୁମେ ଥିଲ, ଅଛ, ରହିବ
ମୋ ରାତିର ଘନ ଅଂଧକାରରେ
ସକାଳର ଶୀତୁଆ କୁହୁଡିରେ
ବର୍ଷାର ରିମଝିମ ପାଣିରେ
ଆଉ କେବେ ସଂଜର ସଯ ଗୋଧୂଳିରେ l

ତୁମେ ଥିଲ, ଅଛ, ରହିବ
କୋଇଲିର ମିଠା କୁହୁକରେ
ବଇଁଶିର ମଧୁର ମୁର୍ଚ୍ଛନ୍ନIରେ
ମୋ ଗୀତରେ ମୋ ଗପରେ
ମୋର ସବୁ ହାତ ଲେଖା ଚିଠିରେ
ମୋ କବିତା ମୋ ସାୟାରୀରେ
ମୋ ମନର ସବୁ ଡାୟାରୀରେ l

ତୁମେ ଥିଲ, ଅଛ, ରହିବ
ପୁରାଣର ଗୁପ୍ତ ତତ୍ତ୍ୱରେ
ଇତିହାସର ହଜିଲା ଖିଅରେ
ବର୍ତମାନର ପରିବର୍ତନରେ
ଉଦ୍ଭାବନାରେ ଆଉ ଅବଶୋଷରେ l

ତୁମେ ଥିଲ, ଅଛ, ରହିବ
ମାଟି ଆଉ ଆକାଶରେ
ପାଣି ଆଉ ପବନରେ
ଜୀବ ଆଉ ନିର୍ଜୀଵରେ
କେବେ ଶିଶୁର କଅଁଳିଆ ହସରେ
କେବେ ବୃଦ୍ଧର ନିରୀହତା ଭିତରେ l

ତୁମେ ଥିଲ, ଅଛ, ରହିବ
ମୋ ଶରୀରର ପ୍ରତି ରକ୍ତ ବିନ୍ଦୁରେ
ମୋ ହୃଦୟର ପ୍ରତିଟି ଷ୍ପନ୍ଦନରେ
ମୋ ଚେତନା ଆଉ ଅବଚେତନାରେ
ମୋ ସଫଳତା ଆଉ ବିଫଳତାରେ l

ତୁମେ ଥିଲ, ଅଛ, ରହିବ
ମୋ ପିଣ୍ଡରେ ମୋ ପ୍ରାଣରେ
ମୋର ସବୁ ପାପ ଆଉ ପୁଣ୍ୟରେ
ମୋର ସବୁ ଜନ୍ମ ପୁନଃଜନ୍ମରେ
ତୁମେ ତୁମେ କେବଳ ତୁମେ