ଭାବଇ ମୁଁ କିଏ ଜଣେ?

ସ୍ୱାର୍ଥାନ୍ଧ ମଣିଷ ପଦ ଲୋଭ ମୋହେ ପଡି,

 ଘଟାଇ ଚାଲିଛି ରକ୍ତପାତ 

ଭୋଟ ପାଇଁ ଲଗାଏ ଲଢେଇ, କପଟ ପଶା

ରେ ସାରା ଭାରତ ପ୍ରଭାବିତ ।

ପଦବୀ ଲାଳସାରେ ଅନ୍ଧ, ସ୍ଵାର୍ଥର ଶାସକ 

ଲୋକଙ୍କୁ ଶିଖାଏ ଅନୀତି ସୂତ୍ର  

ଗଣତନ୍ତ୍ର ଚତୁର୍ଥ ସ୍ତମ୍ଭ ସ୍ୱାର୍ଥ ଲାଳସାରେ 

ନଜଣାଏ ସମାଜର ସରବ ସତ୍ୟ ।

ପଶୁଠାରୁ ହୀନ ହୋଇଛି ମଣିଷ ଏ କପଟ 

ବୁଦ୍ଧିର ଅନ୍ଧତ୍ୱରେ ବଢି

କି ଲାଭ ହୋଇଛି କ, ଖ, ଜ୍ଞାନ ଆହରଣେ 

ଅବା ଆକାଶ ବକ୍ଷରେ ଉଡି ।

ଖବର କାଗଜ ଚାହିଁଦେବା ବେଳେ ନିଆରା 

ଶୂନ୍ୟତା ମାଡି ଆସୁଛି ମନେ

ଅସଭ୍ୟତାର ସମାଧାନ କଣ ? ନିରୁପାୟ ହୋଇ 

ଭାବଇ ମୁଁ କିଏ ଜଣେ ।