Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Chittaranjan Parida

Horror

3.2  

Chittaranjan Parida

Horror

ପ୍ରେତାତ୍ମା ଓ କୋଠି

ପ୍ରେତାତ୍ମା ଓ କୋଠି

1 min
261


ଅଶରୀରୀ ଆତ୍ମା

ଆଜାନୁଲମ୍ଵିତ କେଶରାଶି

ଧଳା ଲୁଗାର ଆବରଣରେ

ହଠାତ୍ ପାଦଚଲା ପଥିକର ସାମ୍ନାରେ

ଗୁମସୁମ୍ ହୋଇ ଛିଡା ହୋଇଯାଏ

କିବା କେଉଁ କାଳରୁ ପରିତ୍ୟକ୍ତ କୋଠିରୁ

ଅମାବାସ୍ୟା ରାତ୍ରରେ

ଭାସିଆସେ ଛାତିଥରା ବିକଟାଳ ଶବ୍ଦ

ତନ୍ତ୍ରିକୁ ଥରାଇ

ଅବା କେବେ ଆଲୋକ ପିଣ୍ଡୁଳା

ଧୀରେ ଧୀରେ ମାଡିଆସେ

ଗାଁ ମୁଣ୍ଡ ଗୋହିରୀ ମଥାକୁ

ସିଏ ପ୍ରେତାତ୍ମା,

ସେଦିନ ସେହି ପ୍ରେତାତ୍ମା କୋଠିକୁ ଯାଇ

କେତେ ଲୋକ ଅଫେରା

କେହି ହିସାବ ରଖିନି

କିନ୍ତୁ ଶ୍ରୁତ

କୋଠିଟି କୁଆଡେ ମୃତ୍ୟୁର ସୌଦାଗର

ଏ ଘଟଣା କେଉଁ କାଳର

କେତେ ସତ କେତେ ମିଛ

କେବଳ କଥିତ, ଧାରାବାହିକ।

ଆଜି ସେହି ଜରାଜୀର୍ଣ୍ଣ କୋଠି ଅଛି

କାହିଁ ସେହି ପ୍ରେତାତ୍ମା?

ଯଦି ଥାଆନ୍ତା

ରାତି ହେଲେ ନିଶାସକ୍ତ ଜୀବାତ୍ମାମାନଙ୍କ

ଆଡ୍ଡା ଜମୁ ନଥାନ୍ତା

ପୁଣି କେବେକେବେ

ଦୁଷ୍କର୍ମ ପିଡୀତାର କ୍ଷତାକ୍ତ

ପ୍ରାଣହୀନ ପିଣ୍ଡ 

ବୋତଲଗୁଡିକ ଗହଣରେ

ପରିତ୍ୟକ୍ତ ହୋଇ ମିଳୁ ନଥାନ୍ତା ।

କଥିତ ପ୍ରେତାତ୍ମା କୋଠିରେ ଆଜି

ଅସାମାଜିକ ସଜୀବ ଆତ୍ମାମାନେ

କରନ୍ତି ରାଜତ୍ଵ

ଯେଉଁଠି ହତ୍ୟା ବଳାତ୍କାର

ଆଉ ଲୁଣ୍ଠନ ହୁଏ ପ୍ରସ୍ତାବିତ।

     


Rate this content
Log in

Similar oriya poem from Horror