ମୋ ଓଡ଼ିଶା (ଭାଗ-୭) - ଆମ ଭାଷା ଆମ ସାହିତ୍ୟ
ମୋ ଓଡ଼ିଶା (ଭାଗ-୭) - ଆମ ଭାଷା ଆମ ସାହିତ୍ୟ
ଶୁଦ୍ର ମୁନି ଶାରଳା ପଠାଣି ସାମନ୍ତ
କବିସୂର୍ଯ୍ୟ ବଳଦେବ କବି ସମ୍ରାଟ,
ଅଚ୍ୟୁତ ଯଶୋବନ୍ତ ଦାସ ଜଗନ୍ନାଥ
ଗଙ୍ଗାଧର ଅଭିମନ୍ୟୁ ଜୟଦେବ ତ,
କେତେକେତେ କବି ପୁଣି କେତେ ପଣ୍ଡିତ
ସାରସ୍ୱତ ଭଣ୍ଡାର କୁ କଲେ ଋଦ୍ଧିମନ୍ତ ।
ଥାଇବି ଆମର ଏତେ ପୁରାଣ ପୋଥି
ଆମ ଭାଷାକୁ ଏଣେ ପଡିଲା ବିପତ୍ତି ।
ରାଜ୍ୟକୁ ଖଣ୍ଡଖଣ୍ଡ ଇ°ରେଜ କରିଲେ
ଓଡ଼ିଆ ଭାଷା ନୁହେଁ ପଡୋଶୀ କହିଲେ ।
ସ୍ବତନ୍ତ୍ର ରାଜ୍ୟ ଆଉ ଭାଷା ରକ୍ଷା ପାଇଁ
ସାରା ରାଇଜରେ ତ ଚାଲିଲା ଲଢେ଼ଇ ।
ଗୋପବନ୍ଧୁ କୃଷ୍ଣଚନ୍ଦ୍ର ମଧୁସୂଦନ
ରାଧାନାଥ ରାୟ ଫକୀରମୋହନ,
ଓଡିଶା ବାସୀଙ୍କୁ ସେତ ଦେଲେ ମତେଇ
ତାଙ୍କ ଗପ କବିତାରେ ଦେଲେ ତତେଇ ।
ଇ°ରେଜ ସରକାର ଗୁହାରୀ ଶୁଣିଲେ
ସ୍ବତନ୍ତ୍ର ଓଡିଶା ରାଜ୍ୟ ଗଠନ କଲେ ।
ରକ୍ଷା ପାଇଲାତ ଆମ ଓଡ଼ିଆ ଭାଷା
ଓଡିଶା ଓଡିଶା ମାଆ ମୋର ଓଡିଶା...ll