ମୋ' କାନଭାସରେ ତୁମେ

ରୂପ କଳ୍ପର ତୂଳୀରେ ଅଙ୍କା

 ରୂପମତି ମୋନାଲୀସା ।

କବିର ଲେଖନୀ ଲେଖେ ତୁମ ଗାଥା

   ପ୍ରଣୟ ମିଶ୍ରିତ ଭାଷା ।।0॥

ତୁମେ କି ଚପଳା ମେଘ ମେଖଳାରେ ।

  ନଦୀ କି ଅଳକାନନ୍ଦା ।

ତୁମେ ଝୁମୁଥାଅ ନିଦାଘ ଛାତିରେ

  ସରମୀ ଚପଳ ଛନ୍ଦା ।

ତୁମେକି ଆଳାପ ବିଳାପ ମନର

ବିରହ ପ୍ରାଣର ଆଶା ।।୧।।

ରୂପକଳ୍ପର ତୂଳୀରେ

ବାହାନାର ତୁମେ ନୂଆ ନାଆଁଟିଏ

  ହସର ପସରା ତଳେ ।

ଉଙ୍କି ମାରୁଥାଏ ମାଦକତା କେତେ

  କବିର ପ୍ରାଣକୁ ଜାଳେ ।

ତୁମେ ପ୍ରତ୍ଯାଶାର ସମବେଦନା ଗୋ

   ଆକୁହା ମନର ଭାଷା ।।୨।।

ରୂପକଳ୍ପର ତୂଳୀରେ ଅଙ୍କା