ମୋ' ଗାଡି

କାଗଜର ରାସ୍ତା ଉପରେ

         ଚାଲେ ଗାଡି ଧୀରେ ଧୀରେ,

 ଗୋଟେ ଚକର ସାହାଯ୍ୟରେ

         ଯାଏ  ମନ୍ଥର  ଗତିରେ l  l 1l

         

 ଗାଡିର ରାସ୍ତା ଦେଖିବାକୁ

          ବଗର  ପର  ଆକୃତି,

ଲୋକମାନେ  ସେହି ରାସ୍ତାରେ

           କେବେ ନ  କରନ୍ତି  ଗତି l (2)

ଦୁର୍ଘଟଣା  ଘଟଇ ନାହିଁ

          ସେ ଜନାକୀର୍ଣ୍ଣ  ରାସ୍ତାରେ,

 ସୁରକ୍ଷା ଦାୟକ ଅଟଇ

          ସବୁ  ସଡ଼କ  ମଧ୍ୟରେ l l3l

ଏପରି ରାସ୍ତା ତୁମ୍ଭେମାନେ

           ଆଉ କେଉଁଠି ଦେଖିଅଛ କି,

ଏତେ  ସୁନ୍ଦର ଓ  ସୁରକ୍ଷା

          ଆଉ କେଉଁଠି ଦେଖିଛ କି  l l4l

ଦୁଇ ପାର୍ଶ୍ଵରେ କୌଣସି

          ବୃକ୍ଷ ଦେଖାଯାଏ ନାହିଁ,

 ଯେଉଁଆଡେ ତୁମେ ଚାହିଁବ

           ଖାଲି  ଧବଳ ଦିଶଇ l l 5l

ଏହି ରାସ୍ତାର କଡେ କଡେ

           ଜନ ଵସତି ନ  ଦିଶେ,

 ଚାରିଆଡେ  ମରୁଭୂମିର 

          ଶୋଭେ ପ୍ରାକୃତିକ ଦୃଶ୍ୟେ l l6l

ଯେଉଁ ଗାଡି ଏ ପଥେ ଯାଏ

          ବିକ୍ରି  ହୁଏ  ଦୋକାନରେ,

ଯାହା ଇଚ୍ଛା ହେଲା ସେ  କିଣିଲା

          ଟଙ୍କା ଦେଇ ସେ ଖୁସିରେ l l7l

ଏକ ଟଙ୍କା ଠାରୁ ଆରମ୍ଭି

          ବହୁ  ମୂଲ୍ୟ ଯାଏଁ ଅଛି

 ଯାହାର ପସନ୍ଦ ହେଲା ସେ

           ଗାଡିକୁ  କିଣି  ନେଉଛି l l8l

କିଣିଲା ବେଳେ ଗରାଖକୁ

            ନେବାକୁ  ହୁଅଇ  ରାସ୍ତା,

 

 ଦୁଇ ଚାରି ଟଙ୍କା ଦରରେ

           ପାଇବ ତୁମେ ବସ୍ତା ବସ୍ତା l l 9l

ପ୍ରତ୍ୟେକ ସ୍କୁଲ କଲେଜର

           ପିଲାମାନେ   କିଣିଥାନ୍ତି,

 ତାକୁ ଆଣି  ସେମାନେ  ଗୋଟେ

           ସୁନ୍ଦର  ରାସ୍ତା  ଗଢ଼ନ୍ତି l l 10l

କିଏ  କିଏ ସେହି ରାସ୍ତାକୁ

        କ୍ରୟ  କରି  ଆଣିଥାନ୍ତି ,

 ତାପରେ ଗାଡିକୁ ଧରି ସେ

          ରାସ୍ତା ଉପରେ ଚାଲନ୍ତି l  l11l

ଯିଏ ଗାଡିକୁ କିଣିଥାଏ

          ସେ ହିଁ ଗାଡିକୁ ଚଲାନ୍ତି,

 ଗାଡିର ମାଲିକ ସେ ନିଜେ

           ଓ ଡ୍ରାଇଭର ଅଟନ୍ତି l l12l

ସେହି ରାସ୍ତା ରେ ଗାଡି ଯାଏ

           ଧୀରେ ଧୀରେ ଗଡି ଗଡି,

 ତାପରେ ଗୋଟିଏ ରାସ୍ତା ସରିଗଲେ

           ଯାଏ ଅନ୍ୟ ରାସ୍ତାକୁ ମାଡି l l13l

ଗାଡିର କିଛିଦିନ ପରେ

ପେଟ୍ରୋଲ ଯେ ସରିଯାଏ,

           ଧୀରେ ଧୀରେ ତା ରାସ୍ତାରେ

           ଗାଡି ଆପେ ରହିଯାଏ  l l14l

ଡ୍ରାଇଭର ପେଟ୍ରୋଲ କିଣେ

ବହି ଦୋକାନକୁ ଯାଇ,

            ପେଟ୍ରୋଲ ପଡିଲେ ଗାଡ଼ିରେ

            ଧୀରେ ଧୀରେ ଯାଏ ଧାଇଁ  l l15l

ସରିତ ଯେପରି ଉଚରୁ

ନିମ୍ନକୁ ଗତି କରଇ ,

          ଗାଡି ସେପରି ଗତି କରେ

           ଉଚ୍ଚରୁ ନିମ୍ନକୁ ହୋଇ l l16l

ଗାଡ଼ିଭିତରେ କୌଣସି ଲୋକ

ଜମା ନ ବସନ୍ତି ,

        ଏହିପରି ଗାଡିକୁ କିଏ

       କେଉଁଠାରେ କିଏ ଦେଖିଛକି l  l17l

ଯେଉଁ ରାସ୍ତାରେ ଗାଡ଼ିଯାଏ

ସେହି ରାସ୍ତା ବନ୍ଦ ହୁଏ,

            ସବୁ ରାସ୍ତା ବନ୍ଦ ହେଲେ

           ପୁଣି ରାସ୍ତା କିଣାଯାଏ l l18l

ସେହି ରାସ୍ତାକୁ ବିକାଯାଏ

ଦୋକାନୀଵାଲା ମାନଙ୍କୁ,

             ନୂଆଁ ମାର୍ଗରେ ଗାଡିଗଲେ

             ମଜା ଲାଗେ ମାଲିକକୁ l l19l

ତାପରେ ଗାଡି ଯାଇ ରହେ

ମାଲିକର ପକେଟରେ ,

            ପକେଟ ହେଉଛି ତା ଗୃହ 

             ରହିଥାଏ ସେ ସ୍ଥାନରେ l l20l 

ପଣ୍ଡିତ ଠାରୁ ମୂର୍ଖ ଯାଏଁ

ସବୁରି ମୂଳରେ ଥାଏ,

            ଯାହାର ପାଖରେ ଗାଡ଼ିନାହିଁ

            ମୂର୍ଖ ଠାରୁ ହୀନ ସିଏ l l21l

ବିଭିନ୍ନ ପ୍ରକାର ଗାଡି

ଏବେ ସବୁ ବାହାରୁଚି,

           ଯାହାକୁ ଯେଉଁ ଗାଡି ଇଚ୍ଛା

           ସିଏ ଏହି ଗାଡିକୁ କିଣୁଛି l l22l

ମୋର ସବୁଠାରୁ ପସନ୍ଦ

ଅଟଇ ରୋନାଲଡ ଗାଡି,

             ସିଏ ମୋର ଜୀବନ ସାଥୀ

             ରହିପାରେନି ତାକୁ ଛାଡି l l23l

ଅଫିସରୁ ଆରମ୍ଭ କରି

ସବୁ ଜାଗା ମାନଙ୍କରେ,

            ଝିଅ ଠାରୁ ଆରମ୍ଭ କରି

             ସମସ୍ତଙ୍କ ପାଖରେ l  l24l

ପରୀକ୍ଷା ସମୟରେ ଚାଲେ

କ୍ଷିପ୍ର ଗତିରେ ସିଏ ମାଡି,

             ତାହାରି କୃପାରୁ ଲେଖେ ମୁଁ

             ଅକ୍ଷର ଧାଡିକୁ ଧାଡି  l l25l

ତାହାରି ଯୋଗୁଁ ମୁଁ ଲେଖୁଛି

ଗଳ୍ପ, ଗୀତ ଓ ନାଟକ,

             ଲେଖି ଲେଖି ମୁଁ ବିତାଇଛି

            ମୋ ସାରା ଜୀବନ ଯାକ l l26l

କିଏ ହୋଇଛି କବି ତ

କିଏ ହୋଇଛି ବଡ ଗାଳ୍ପିକ,

              ନାଟ୍ୟ ରଚନା କିଏ ଲେଖି

              ହୋଇଛି ଉପନ୍ୟାସିକ l l 27l

କବିବର ଓ କବିସୂର୍ଯ୍ୟ ଆଦି

ସବୁ ଯେତେ କବି,

           ତୋରି ଦ୍ୱାରା ଲେଖିଛନ୍ତି

         

         କେତେ ଗୀତ ଭାବି ଭାବି  l l28l

ତୁମ ସେବା କରିବା ପାଇଁ

ଜନମ ନେଇଛି ମୁହିଁ,

           ଧନ୍ୟ ମୁଁ ଆଜି ମନୁଅଛି

          

           ତୁମପରି ପ୍ରଭୁ ପାଇ l l 29l

ଧନ୍ୟ ଧନ୍ୟ ତୋର ଜୀବନ

ଧନ୍ୟ ତୋହର କଲମ,

             ଏହି ସଂସାରରେ ରହୁ ତୋର

             ଯୁଗ ଯୁଗକୁ ସୁନାମ l  l30l