ପ୍ରଭୁ ଜଗନ୍ନାଥସ୍ୱାମୀ

ଆହେ ଜଗନ୍ନାଥସ୍ୱାମୀ 

           ପ୍ରଭୁ  ଜଗନ୍ନାଥସ୍ୱାମୀ,

ମୋ ନୟନ ପଥ ଗାମୀ 

           ଭବ ତୁମେ ଅନ୍ତର୍ଯ୍ୟାମୀ l

ଯଶୋଦାର ଗଣ୍ଠିଧନ 

           ଦେବକୀଙ୍କର ନନ୍ଦନ,

କୌଶଲ୍ୟାର ଶ୍ରୀ ଚନ୍ଦନ 

           ଶ୍ରୀ ଗୁଣ୍ଡିଚାଙ୍କର ଧନ l

ଗୋପୀଙ୍କର  ରତ୍ନାହାରା 

           ରାଧାଙ୍କ ପ୍ରେମ ପସରା,

ସୀତାଙ୍କର ପ୍ରାଣ ଧାରା 

            ଲଷ୍ମୀଙ୍କର କାନ୍ତ ପରା l

କୁସୁମିତ କଲେ ପଥ 

            ହେବି ତୁମ ଅନୁଗାମୀ l

ଆହେ ଜଗନ୍ନାଥସ୍ୱାମୀ 

<

Advertisement

p>           ପ୍ରଭୁ  ଜଗନ୍ନାଥସ୍ୱାମୀ |

ସତ୍ୟ ଯୁଗେ ନରସିଂହ

           ହିରଣ୍ୟକୁ  ବିଦାରିଲ,

ତ୍ରେତୟାରେ ରାମଚନ୍ଦ୍ର 

            ଦଶାନନଙ୍କୁ  ବଧିଲ |

ଦ୍ୱାପରରେ କୃଷ୍ଣ ରୂପେ 

            କଂସକୁ ବିନାଶି ଥିଲ,

କଳି ଶେଷେ ଆସିଅଛ 

             ନାଶିବାକୁ  ପାପୀ କୁଳ l

ଭକତ ଭାବରେ ବନ୍ଧା 

              ଆହେ ପ୍ରଭୁ ରାଧାସ୍ୱାମୀ |

ଆହେ ଜଗନ୍ନାଥ ସ୍ୱାମୀ 

             ପ୍ରଭୁ ଜଗନ୍ନାଥସ୍ୱାମୀ l