ଆହେ ବ୍ରହ୍ମାଣ୍ଡ ଠାକୁର

କୁସୁମିତ କର, ଚଲାପଥକୁ ମୋର 

ଆହେ ପ୍ରଭୁ ତୁମେ ବ୍ରହ୍ମାଣ୍ଡ ଠାକୁର l

ବଞ୍ଚିବାକୁ ଚାହେଁନା, ପ୍ରଭୁ ତୁମ ବିନା 

ଦିଶୁଛି ଚତୁଃର୍ଦିଗ, ମୋତେ ଅନ୍ଧକାର 

ରକ୍ଷାକର ପ୍ରଭୁ ହେ ବ୍ରହ୍ମାଣ୍ଡ ଠାକୁର l (୧)

ପରମ ଲୀଳା ମୟ ତୁମେ ହେ ଠାକୁର,

ସଜଳ ଶକତିର ତୁମେ ହିଁ ଆଧାର l

ଏହି ବିଶ୍ୱ ବ୍ରହ୍ମାଣ୍ଡ ତୁମ ଈଙ୍ଗିତରେ,

ହୁଅଇ ଆତଯାତ ପ୍ରତି ମୁହୁର୍ତ୍ତରେ l

ଡାକୁଛି ମୁଁ ତୁମ ନାମ ହୋଇ ଆତୁର 

ରକ୍ଷାକର ପ୍ରଭୁ ହେ ବ୍ରହ୍ମାଣ୍ଡ ଠାକୁର l[୨]

ତୁମେ ପ୍ରଭୁ ରାମ, କୃଷ୍ଣ ଯୀଶୁ, ମହମ୍ମଦ,

ଚୈତନ୍ୟ, ପରମହଂସ, ଗୌତମ ବୁଦ୍ଧ l

କଳି ଶେଷେ ଆସିଛ ହୋଇ ଜଗନ୍ନାଥ,

ଦେଖାଇବାକୁ ସଭିଙ୍କୁ ମୁକ୍ତିର ପଥ l

ଧର୍ମ ରକ୍ଷା ପାଇ ତୁମେ ନିଅ ଅବତାର,

ରକ୍ଷାକର ପ୍ରଭୁ ହେ ବ୍ରହ୍ମାଣ୍ଡ ଠାକୁର l

କୁସୁମିତ କର ଚଲାପଥକୁ ମୋର,

ଆହେ ପ୍ରଭୁ ତୁମେ ବ୍ରହ୍ମାଣ୍ଡ ଠାକୁର l(୩)