ଆହେ ଗୋଲକ ବିହାରୀ

ହରି ହରି ନରହରି

ମୋର ଦୁଃଖ ଶୁଣ ହରି l(୦)

ତୁମେ ନ ଶୁଣିବ ପ୍ରଭୁ,

ମୁଁ  ଦୁଃଖରେ ଯିବି ମରି l

ଡାକ ଶୁଣ, ଡାକ ଶୁଣ 

ଆହେ ଗୋଲକ ବିହାରୀ l(୧)

ନାନା ରୂପେ ପାଅ ପୂଜା,

ନାନା ନାମରେ ହେ ତୁମେ,

ନାନା ନାମରୁ ଗୋଟେ ନାମ,

ଶ୍ରୀକ୍ଷେତ୍ର ପୁରୀ ତୀର୍ଥ ଧାମେ l

ସ୍ଥୁଳ ନେତ୍ରେ ଚାହିଁ ଦେଇ,

ଏ  ଭବରୁ କର ପାରି  (୨)

କେତେ ନାମ ମୁଁ ଜପୁଛି,

କେତେ ଲୀଳା ଯେ କୀର୍ତ୍ତନ l

କେତେ ଶ୍ରୀ ମନ୍ଦିର ଯାଇ 

କରିବି ତୁମ ଦର୍ଶନ l

ଗାଇ ଗାଇ  ତୁମ ନାମ 

ଏ ଜୀବନ ଯାଉ ସରି (୩)

କଳି ଶେଷେ ପାଅ ପୂଜା,

କଳିରେ ଆସି ହେ ତୁମେ l

କଳିର ଠାକୁର ଭାବେ,

ଜଗନ୍ନାଥ ସ୍ୱାମୀ ନାମେ l

ଧନ୍ୟ  ହେଲା ଏ  ଜଗତ,

ତୁମକୁ ପ୍ରଭୁ ହେ ଧରି  ।।(୪)