ଲାଇବ୍ରେରୀ
ପ୍ରୋଫାଇଲ୍
ଗୃହପାଳିତ
ଗୃହପାଳିତ
1 min
143
ସମସ୍ତେ ନିଜ ପାଇଁ କିଛି ଖୋଜନ୍ତି
ନିଜ ପାଇଁ ଗଛ ଖୋଜେ ପାଣି ଆଉ ଆଲୁଅ
ବଢିବାକୁ, ଫୁଟିବାକୁ, ଫଳିବାକୁ
ନିଜ ପାଇଁ ନଈ ଖୋଜେ ଗଡାଣି
ଆଗକୁ ଆଗକୁ ବହିଯିବାକୁ
ନିଜ ପାଇଁ ଜହ୍ନ ବି ଖୋଜେ ସୁରୁଜ
ପ୍ରକାଶ ହେବାକୁ
ନିଜ ପାଇଁ ସେ କିନ୍ତୁ ଖୋଜେ ନାହିଁ କିଛି
ତମେ ଯାହା ଚାହଁ ତା' ହିଁ ଚାହେଁ
ତମେ ଯାହା ଖୋଜ, ତା' ହିଁ ଖୋଜେ
କେବେ ହେଲେ ନିଜ ପାଇଁ ନୁହେଁ ।
ତମ ଇଛାରେ
ଖାଇବାକୁ ଇଛା ନ ଥିଲେ ବି ଖାଏ
ତମ ଇଛାରେ ବି ନ ଖାଇ ସେମିତି ରହିଥାଏ
ତମ ଇଛାରେ ଚାଲେ
ତମ ଇଛାରେ ଭୁଲେ
ତମ ଇଛାରେ କାଢି ପକାଏ ବାସ ବେଶ ଆଭୂଷଣ
ତମ ଇଛାରେ ଢାଙ୍କିଥାଏ ନିଜଠି
ପ୍ରସ୍ତ ପ୍ରସ୍ତ ଅନ୍ଧାରର ମହଳଣ ।
ଘରେ ଥାଏ ତମ ପାଇଁ
ହସେ ତମ ପାଇଁ
ତମର ଯାବତ ଅଦଉତି ଆଗରେ
ନିଜର ଆତ୍ମା ଅଛି ବୋଲି ଭୁଲିଯାଏ
ସମସ୍ତେ ତାକୁ ନାରୀ କହନ୍ତି
ହେଲେ
ତମ ଇଛାକୁ ସୁହେଇଲା ପରି
ତା'ଠାରୁ ଭଲ ପୋଷା ଜୀବ ଆଉ କିଏ ଯେ ।
