Library
ପ୍ରାଣୀ ହିତେ ପ୍ରାଣ ସମର୍ପିତ
ପ୍ରାଣୀ ହିତେ ପ୍ରାଣ ସମର୍ପିତ
କିଛି ଆଶା ଓ କିଛି ବିଶ୍ବାସର
ଆଢୁଆଳେ ବଞ୍ଚିଛି ଏ ଜୀବ
ନିଜେ ବଞ୍ଚି ଅନ୍ଯକୁ ବଞ୍ଚେଇବାର
ରଖିଛି ଅନନ୍ଯ ପ୍ରଚେଷ୍ଟାର ଭାବ ।
ଆଶାତୀତ ଅବା ବିଶ୍ବାସ ଠାରୁ ଅଧିକ
କେହି କେବେ କରି ପାରେନା କ୍ଷମା ଓ ଦୟା
ତଥାପି ଚେଷ୍ଟା କରେ ଯେଉଁ ନର ନାରୀ
ଅନ୍ୟଥା ଯାଏ ନାହିଁ ତା'ର ଚେଷ୍ଟା ।
ଶକ୍ତି, ସାମର୍ଥ୍ୟ, ଧୈର୍ଯ୍ୟ ଓ ଆବେଗତାର ସହିତ
ଯଦି କରୁଥିବା ଜୀବେ ଦୟା
ଜୀବର ଇଚ୍ଛା ମୁତାବକ ନହେଉ ପଛେ
ଈଶ୍ବରଙ୍କ ସୃଷ୍ଟିର ନିଶ୍ଚୟ ଗଣା ହେବା ।
ସୁନ୍ଦର ନମନୀୟ ସେ ଲଳନା ଲାସ୍ଯମୟୀ
ତୃଷ୍ଣା ମେଣ୍ଟାଉଅଛି ତୃଷାର୍ତ୍ତ ହଂସରାଳୀ
ଯାହାର ହାତୁ କେଇ ବୁନ୍ଦା ଜଳ ପିଇ
ଅନ୍ଯର ଖୁସିରେ ଖୁସି ହୁଅଇ ଅଲିଅଳି।
କିଏ ବା ଜାଣିଛି ଏ ଶରୀରେ
କେବେ କଳଙ୍କ ଲାଗିଯିବ
ଖାଇଯିବେ ଜୀବାଣୁ, ଭୁତାଣୁ
ଉଇ, ଅସରପା ଭଳି ଅଣୁଜୀବ !
ବେଳ ଥାଉଁ ଯଦି ଆନହିତେ ଦେବା ସମୟ
କେହି ନବୁଝିଲେ ନିଜେ ତ ପାରିବା ବୁଝି
ଖୁସି ବାଣ୍ଟିବାରେ କେତେ ଯେ ଆନନ୍ଦ ଅଛି
ଦେଖି ରଖି ଫଳ ଦେବେ ଈଶ୍ୱର ନିଶ୍ଚୟ।
ପ୍ରକୃତିରୁ ଜାତ ଆହେ ଆତ୍ମଜ
ପ୍ରାକୃତିକ ସମ୍ପଦକୁ ସମ୍ଭାଳି ରଖ
ଜୀବଜନ୍ତୁ ବୃକ୍ଷଲତା ଯେତେକ
ସର୍ବ ଚିତ୍ତେ ଦୟା ଭାବ ରଖ ।
ଦେଇଥିଲେ ପାଇ ସାଧୁ ସନ୍ଥଙ୍କ ସତ୍ଯ ବଚନ
ପ୍ରାଣୀ ହିତେ ସମର୍ପିତ କର କିଛି
ଏ ସଂସାରେ ଲାଗିଛି ମିଛ ମାୟାର ଖେଳ
ଦେବା ନେବାରେ କି ଅବା ଅଛି ।
