ଲାଇବ୍ରେରୀ
ପ୍ରୋଫାଇଲ୍
ଏତିକି ଅଭିପ୍ରାୟ
ଏତିକି ଅଭିପ୍ରାୟ
1 min
135
ଯଦି କେବେ ଜୀବନର
ଜଞାଳରୁ ଫୁରସତ୍ ମିଳିବ
ସେଥିରୁ ଟିକିଏ ସମୟ
ମୋ ପାଇଁ ବାହାର କରିବ
ସାଥିରେ ମୋବାଇଲ ଅବା
ଖବର କାଗଜ ନଥିବ
ମୋ ସାଥୀରେ ବାଲକୋନୀର
ଦୋଳିରେ ବସିବ
ପୂର୍ବ ଭଳି ମୋ ମଥାରେ
ହାତ ବୁଲାଇ ଆଣିବ
ମୋତେ ଆଦରରେ ଥରେ
ପାଗଲୁ ବୋଲି ଡାକିବ ।।
ଯଦି କେବେ ଜୀବନ ଜଞାଳରୁ
ଫୁରସତ୍ ମିଳିବ
ତମେ କିଛି କହିବ, ମୁଁ କିଛି କହିବି
ନିଜ କଥା କହି ଶୁଣି
କେବେ ହସ କେବେ ଲୁହ ପୁଣି
ସାଙ୍ଗ ହୋଇ ପୋଛିବା
ପ୍ରେମର କିଛି ଆଳାପ ସହିତ
ଖଟାମିଠା ସ୍ମୃତି ବଖାଣିବା
ସମୟ ସୁଅରେ ବିତିଗଲା ଦିନ
ଆଉ ହଜିଗଲା ବୟସର
ହିସାବ ସାଥି ହୋଇ କରିବା ।।
ଯଦି କେବେ ଜୀବନ ଜଞାଳରୁ
ଫୁରସତ୍ ମିଳିବ
ସେହିଦିନ ସବୁ କେମିତି ଥିଲା
ନିଜ ନିଜ ବ୍ୟସ୍ତତାକୁ
ଦୁହେଁ ବଖାଣିବା
ସଂସାରର ଅଙ୍କା ବଙ୍କା ରାସ୍ତାରେ
ପଥ ଚାଲୁଚାଲୁ
କେତେ କ'ଣ ପାଇଲେ
ଆଉ କ'ଣ ହରାଇଲେ
ଯାତ୍ରାର ଅନୁଭବ
ନିଜ ସାଥେ ବାଣ୍ଟିବା ।।
