Library
Profile
ନିର୍ବାଚନ ପ୍ରଚାର
ନିର୍ବାଚନ ପ୍ରଚାର
ରାଜନୀତିର ରଙ୍ଗମଞ୍ଚ
ଜୋର ଧରିଛି ବର୍ତ୍ତମାନ
ପ୍ରଚାର, ପ୍ରସାର ,ଭାଷଣରେ
ଚତୁର୍ଦିଗ ହେଉଛି କମ୍ପମାନ ।
ସୁସଜ୍ଜିତ ପୋଷାକ ପିନ୍ଧି
ବାହାରିଲେ ନେତା ଦଳ
ଜନତା ଦେଖି ଯୋଡ଼ି ହାତ
କହୁଛନ୍ତି ପୁଣି ନେହୁରା ହୋଇ
ଶୁଣ ଶୁଣ ମୋର ଭଉଣୀ ଭାଇ
ଆମରି ଚିହ୍ନରେ ଭୋଟ ଦେଇ
ନିଶ୍ଚିତ ଆମକୁ ଦିଅ ଯିତାଇ ।
ପ୍ରଚାର ନିମନ୍ତେ ଗାଡ଼ିରେ
ପଡ଼ିଛି ମାଗଣା ପେଟ୍ରୋଲ
ଜଳଖିଆ ଭୋଜନ ସାଙ୍ଗକୁ
ମିଳୁଛି ଗାମୁଛା ପୁଣି ପାଣି ବୋତଲ ।
ଜନ୍ମ ଠାରୁ ମୃତ୍ୟୁ କେତେ ଯୋଜନା
ନେଇ ଆସିଛନ୍ତି ସାଥେ
ଭୋଟ ସରିଲେ କିଛି ପ୍ରତିସୃତି
ହୋଇ ଥାଏ ପୁରା, ଆଉକିଛି
ରହି ଯାଇ ଥାଏ ପଥେ ।
ଜଳ, ବିଦ୍ୟୁତ୍, ସ୍ବାସ୍ଥ୍ୟ ସେବା
ବାସ ଗୃହ, ସଡ଼କ ନିର୍ମାଣ
p>
ଦୁର୍ଘଟଣା ବିମା ଠାରୁ ଭିନ୍ନକ୍ଷମ
ବିଧବା, ବୃଦ୍ଧା ଭତ୍ତା ସବୁ ମାଗଣା ।
ଦୁଇ ଟଙ୍କା ଚାଉଳ ଦେବୁ
ବେକାରୀ ସମସ୍ୟା ଦୂର କରିବୁ
କ୍ଷୁଦ୍ର ଶିଳ୍ପ, କୁଟୀର ଶିଳ୍ପ, ପଶୁପାଳନ କରି
ସମସ୍ତ ମା' ଭଉଣୀ ସ୍ବାବଲମ୍ବୀ କରିବୁ ।
କେଉଁଠି ପହଞ୍ଚନ୍ତି ଚାଲି
କେଉଁ ଠାରେ ପୁଣି ରାଲି
କେଉଁଠି ବାଜୁଛି ଡି ଜେ ବାଜା
କେଉଁ ଠାରେ ହୋଇଛି ଆଲୋକ ସଜା
କେଉଁ ଠାରେ ନୋଟ ବାଣ୍ଟି
ଦଳ ନେଉଛି ଭୋଟ ସାଉଁଟି ।
କ୍ଷମତା ମୋହରେ ହୋଇ ବସିଭୁତ
ଭୋଟ ସାଉଁଟି ବାକୁ ଭିଡନ୍ତି ଅଣ୍ଟା
ନିଜ ନିଜ ଦଳର ପ୍ରଚାର ନିମନ୍ତେ
ନେତା ଆସୁଛନ୍ତି ଘଣ୍ଟା କୁ ଘଣ୍ଟା ।
ସ୍ବାଧୀନତାର ୭୭ତମ ବର୍ଷରେ
କରିଛୁ ଆମେ ପଦାର୍ପଣ
ଉଚିତ୍ ଭୋଟ ଦେଇ ବାଛିବା ସରକାର
ଦେଶର ହେବ ବିକାଶ,ହେବ ଶଶକ୍ତି କରଣ ।
