ବର୍ଷା

ଋତୁ ଚକ୍ର କ୍ରମେ ଗ୍ରୀଷ୍ମ ବାହୁଡିଲା

   ସୂର୍ଯ୍ୟ ତାପ ହୋଇଲା ହ୍ରାସ 

ମଉଳା କିରଣରେ ନାହିଁ ଉତ୍ତାପ 

   ବୃଷ୍ଟି ଗରମକୁ କଲା ଗ୍ରାସ ।

ବରଷା, ବିଜୁଳି,ମେଘ ଘଡଘଡି

   ସାଥେ ଆଣିଅଛି ବାରି ଧାର

ଶୁଷ୍କ ଚରାଭୂଇଁ ସବୁଜିମା ଭରା

   ତୃଷ୍ଣା ମେଣ୍ଟାଇଲେ ସ୍ଥଳଚର ।

ଲଙ୍ଗଳ ଯୁଆଳି କାନ୍ଧରେ ପକାଇ 

   ଚାଷୀ ଭାଇ ଚାଲେ କୃଷି କ୍ଷେତ୍ର 

ବର୍ଷକର ଶଷ୍ୟ ଉତ୍ପାଦନ ପାଇଁ 

   ସାଥିରେ ଅଛନ୍ତି ବଳଦ ମିତ୍ର ।

ହଂସ ହଂସରାଳୀ ସଂଗେ ଖେଳୁଛନ୍ତି 

   ପୁଷ୍କରିଣୀ ଭରା ଜଳେ

ବେଙ୍ଗୁଲି ଗାଉଛି ଉଚ୍ଚ ସ୍ବରରେ 

    ଅସରାଏ ବରଷାର ତାଳେ ।

ପ୍ରଚଣ୍ଡ ନିଦାଘ କରିଛି ଶ୍ରୀହୀନ 

   ଜାଳି ପୋଡିଣ ମହୀ ମଣ୍ଡଳ

ଦଗ୍ଧ ଧରଣୀକୁ ଶୀତଳ କରାଅ

   ମେଘ ଢାଳି ଦେଇ ବୃଷ୍ଟି ଜଳ ।