ମୁଢ଼ି ପକୁଡ଼ି

ମୌସୁମୀ ବରଷା କରିଛି ପ୍ରବେଶ 

      ଜମା ଯାଇ ପାରୁ ନାହିଁ ଛାଡ଼ି 

କେତେବେଳେ ଧିରେ ବରଷୁ ଅଛି 

      କେତେବେଳେ ଦିଏ କଚାଡି  ।

ମେଘ ଘଡଘଡି ବିଜୁଳି ସାଥିରେ 

      ବୋହୁଛି ଶୀତଳ ପବନ

ମେଘ ଆକାଶକୁ ରଖିଛି ଘୋଡେଇ 

       ସୂର୍ଯ୍ୟ ନ ଦିଅନ୍ତି ଦରଶନ ।

କପଡା ଶୁଖାଇ ପଶୁ ନ ପଶୁଣୁ

      କୁଆଡୁ ବର୍ଷା ଆସୁଛି ମାଡ

Advertisement

଼ି

ପୁଣି ଆଉଥରେ ଭିଜିବା ଭୟରେ

      ପଂଖା ତଳେ ବାନ୍ଧିଛି ଦଉଡ଼ି ।

ଶୀତୁଆ ପାଗକୁ ସଭିଙ୍କ ବରାଦ

      ଶୀଘ୍ର ତିଆରି କର ପକୁଡ଼ି

ତା'ସାଥିରେ ପୁଣି ପାଗ କରି ଆଣ 

     ମୁଢ଼ି,ମିକ୍ସଚର,ପିଆଜ,କାକୁଡ଼ି ।

ବର୍ଷା ପାଗ ଯୋଗୁଁ ଘରେ ରହି ସବୁ 

      ଧରିଛନ୍ତି ନିଜ ନିଜ ବିଛଣା

ବରାଦ ରେ ସଭିଙ୍କ ପେଶି ହଉଛି

     ରୋଷେଇ ଘର ମୋ ଠିକଣା ।