ସେଦିନୁ ଗଲାଣି ଦମ୍ଭ

ଯେଉଁ ଦିନୁ ତୁମ ସହ ଭାବ ହେଲା

ସେଦିନୁ ଗଲାଣି ଦମ୍ଭ ,

ଯମୁନାକୁ ଆଉ ଯାଇପାରୁ ନାହିଁ

ଘେନି କରି କାଖେ କୁମ୍ଭ ।

ଶୁଣୁଅଛି ଯେତେ କଟୁ କଥାମାନ

କି ବୋଲି ବୋଲିବି କୁହ ,

ନିନ୍ଦା,ଅପବାଦ ସହି ସହି ଯେତେ

କ୍ଷୀଣ ହୋଇଲାଣି ଦେହ ।

ତୁମ ସହ ଯଦି ଲୀଳା ରଚିବାକୁ

ହୋଇଅଛି ମୋର ଜନ୍ମ ,

ଏତେ ଉଲୁଗୁଣା ସହିବାକୁ ଜମା

କରିନି ତ ମନ୍ଦ କର୍ମ ।

ଏ ଗୋକୁଳ ସାରା ଭିନ୍ନ ନଜରରେ

ଦେଖନ୍ତି କାହିଁକି ତେବେ ,

କୁହ ଆହେ କୃଷ୍ଣ-ପୂର୍ଣ୍ଣ ଅଧିକାର

ପାଇବି ମୁଁ ଆଉ କେବେ !!