Library
ନବ କଲ୍ୟାଣୀ
ନବ କଲ୍ୟାଣୀ
ଆଶ୍ୱିନଶୁକ୍ଳେ ତୁମେ ନବରାତ୍ର ନବଗୌରୀ
ହସ୍ତେ ପ୍ରସ୍ଫୁଟିତ ପଦ୍ମ ହୈମବତୀ ହିମାଳୟଧାରୀ
ମାର୍କଣ୍ଡେୟ ପୁରାଣରେ ଦେବୀ କବଚ ସୂତ୍ରୀ
ବୃଷଭଵାହନରେ ବିରାଜ ପ୍ରଥମେ ଶୈଳପୁତ୍ରୀ ।
ଜ୍ୟୋତିର୍ମୟୀ ମା କମଣ୍ଡଳ ଜପାମାଳ ଧାରିଣୀ
ବ୍ରହ୍ମ ଜ୍ଞାନ ପ୍ରଦାୟିନୀ ଆବିର୍ଭୂତ ବ୍ରହ୍ମଚାରୀଣି
ଶୁଷ୍କବସ୍ତ୍ର ପରିହିତା ଜ୍ୟୋତିବିନ୍ଦୁ ସହାସ୍ୟବଦନୀ
ଆନନ୍ଦମୟୀ ମା ଦେବୀ ଅହଂକାର ନାଶିନୀ ।
ଅପୂର୍ବେ ଚନ୍ଦ୍ରଘଣ୍ଟା ଅର୍ଦ୍ଧଚନ୍ଦ୍ର ଆଲୋକିନୀ
ତ୍ରିନେତ୍ରେ ହସ୍ତେ ଦଶଆୟୁଧ ବଳିୟାନୀ
ଉଦାରତା କୁଷ୍ମାଣ୍ଡା ସନ୍ତାନ ତାପହାରିଣୀ
ବୀର ଵାଦ୍ୟମୟୀ ବ୍ରହ୍ମନାଦେ ମାତୃଆବାହନୀ ।
ତପସ୍ୱୀ ଅପର୍ଣ୍ଣା ଶୁଭ୍ରବର୍ଣ୍ଣା ସ୍କନ୍ଦମାତା
ପଦ୍ମାସନା ତିନିଭୁଜା ଅସୁର ସଂହାରିଣୀ
ସ୍ଵର୍ଣ୍ଣମୟୀ ସ୍ୱରୂପା ଅସ୍ତ୍ରଧାରୀ ଅଷ୍ଟଭୁଜା
ବ୍ରଜବାଳା ଭକ୍ତିଦା ମହାମାୟୀ କାତ୍ୟାୟନୀ ।
କଣ୍ଠେ ଜ୍ୟୋତିର୍ମୟୀ ହାର କଷ୍ଟମୁକ୍ତ ଶୁଭଙ୍କରୀ
ଯୋଗନିଦ୍ରା କାଳରାତ୍ରୀ ଚତୁର୍ଭୁଜା କୁଣ୍ଡଳିନୀ
ମହାଦେବ ବିଦ୍ୟୁତକାନ୍ତି ଆଭୂଷଣ ଶ୍ଵେତାଙ୍ଗିନୀ
ମହାଗୌରୀ ଶାନ୍ତମୂର୍ତ୍ତି ନିମଗ୍ନl ସୋହାଗିନୀ ।
ତୁମେ ଅଷ୍ଟ ସିଦ୍ଧିଦାତ୍ରୀ ଆଶିଷ ପ୍ରଦାୟିନୀ
ଅର୍ଜୁନଙ୍କ ଜୟଲାଭେ ଦୁର୍ଗାରୂପେ ପୂଜୟିନୀ
ମର୍ତ୍ତେ ଦଶଭୁଜା କଲ୍ୟାଣୀ ସିଂହବାହିନୀ
ଶକ୍ତିମୟୀ ଧରାଧାମେ ନବ ଜଗତ ଜନନୀ ।
ତୁମେ ଧରାଧାମେ ଶକ୍ତିମୟୀ ଜନନୀ ।
