Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ବି. ନିରୁପମା

Drama

5.0  

ବି. ନିରୁପମା

Drama

ବାଣ୍ଟିକି ଖାଇବା ଭଲ

ବାଣ୍ଟିକି ଖାଇବା ଭଲ

1 min
374



ଶିକ୍ଷକ ସେବେଳେ ଥିଲେ ମୋର ବାପା

ଘରଠୁ ରହନ୍ତି ଦୂରେ ,

ସାନ ଥିଲାବେଳେ ନେଇଥିଲେ ମୋତେ

ତାଙ୍କ ପାଶେ ଏକା-ଥରେ ।


ସବୁ ଯତ୍ନ ନେଇ କେଡ଼େ ଆଦରରେ

ରଖିଥା'ନ୍ତି ମୋତେ ବାପା ,

ସେନେହ ଆଦର ଅଜାଡ଼ି ଦିଅନ୍ତି

ହୁଅନ୍ତିନି ଜମା ଖପ୍ପା ।


ମାଆପାଶୁ ଦୂରେ ରହିଅଛି ବୋଲି

ଭାବନା ଆସେନି ତିଳେ ,

ବିଦ୍ୟାଳୟ ଛାତ୍ରଛାତ୍ରୀଙ୍କର ସ୍ନେହ,

ଆଦର ବି କେତେ ମିଳେ ।


ଶନିବାର ଦିନ ପାଠପଢ଼ା ପରେ

ବାହୁଡ଼ିବା ଲାଗି ଘର ,

ବାପ ଝିଅ ଦୁହେଁ ବସରେ ଚଢ଼ିଲୁ

ନ ହୋଇକି ତରତର ।


ମୋତେ ବସାଇକି ବସ ଭିତରେ ସେ

ଆଉ କିଛି ଚିଜ ପାଇଁ ,

ଓହ୍ଲାଇ ପଡ଼ିଲେ ଚାଲୁଥିଲା ବସ

ଟିକେ ଧୀର ଧୀର ହୋଇ ।


ଘରକୁ ଆଣିବା ପାଇଁ କିଣିଥିଲେ

ବାପା କିଛି 'ଛେନାଖଇ' ,

ସେଇ ମଉକାରେ ମୁଣି ଖୋଲି ମୁହିଁ

ଯାଉଥିଲି ତାହା ଖାଇ ।


ମୋ ପ୍ରିୟ ଖାଇବା ଜିନିଷ ଭିତରେ

ଭାରି ଭଲ ଲାଗେ ଏହା ,

ତୁନି ତୁନି କରି ଖାଇଦେଉଥିଲି

ମନଭରି ତେଣୁ ତାହା ।


ଗାଡ଼ି ମୋତେ କେଣେ ନେଇଯିବ ଭାବି

ମନରେ ବି ଥିଲା ଡର ,

ବାପାଙ୍କ ଫେରିବା ବାଟକୁ ମୁଁ ତେଣୁ

ଚାହୁଁଥିଲି ଥର-ଥର ।


ବାପା ଆସିଲାରୁ ସେ ଚିନ୍ତାଟି ଗଲା

ଆଶ୍ୱସ୍ତ ହୋଇଲି ପୂରା ,

'ଛେନାଖଇ' କିନ୍ତୁ ଲୁଚାଇ ଖାଇବା

ପଡ଼ିଗଲା ଏବେ ଧରା ।


ନ ରାଗିକି ବାପା ବୁଝାଇ କହିଲେ

"ଘରେ ଅଛି ସାନ ଭାଇ ,

ଆଈମାଆ ଥିବ ବାଟଚାହିଁ ଆମ

ନେବା କିଛି ତାଙ୍କ ପାଇଁ ।"


ବୁଝିଲି ସେଦିନୁ ସାର କଥାଟିକୁ

"ବାଣ୍ଟିକି ଖାଇବା ଭଲ" ,

ସେଥିରେ ମିଳଇ ଅପାର ଆନନ୍ଦ

କରି ହୁଏନା ତା' ମୁଲ ।


Rate this content
Log in