ଖାଇଛନ୍ତି ମିଠା ଫଳ

କାଳିଆ ଦିଅଁର ନାକେ ନୋଲକ,

ପଡୁନାହିଁ ଜମା ଆଖି ପଲକ ।

ବଳିଆ ଭାଇଙ୍କ ସଙ୍ଗେ,

ମରୁତ ନନ୍ଦନ ବାଳ ମାରୁତିଙ୍କୁ

ଝୁଲାଅନ୍ତି ନାନା ରଙ୍ଗେ ।

ମାରୁତି ବି ପୂରା ଜାଣି ସିଆଣା,

ଶୁଭ ଜନ୍ମଦିନେ ପିଇକି ପଣା ।

ତୁଳସୀରେ ଦ୍ୟନ୍ତି ଜଳ,

ଆହୁରି ବି କେତେ ଭକ୍ତଙ୍କ ପାଖରୁ

ଖାଇଛନ୍ତି ମିଠା ଫଳ ।

ଭକ୍ତଙ୍କ ସଙ୍କଟ ମୋଚନ ପାଇଁ,

ଚାରିଯୁଗେ ପରା ଅମର ସେଇ ।

ଜଗା ବଳିଆଙ୍କୁ ଜଣା,

ବଡ଼ ଦେଉଳର ବାନାରେ ଥାଇକି

ଗୁହାରି କରନ୍ତି ଶୁଣା ।

ଡାକ ଦେଲେ କିଏ ଶ୍ରଦ୍ଧାରେ ଥରେ,

ନିମିଷକେ ତା'ର ବିପତ୍ତି ହରେ ।

ହନୁମାନ ମହାବୀର,

ସାରା ସଂସାରର କୁଶଳ ମନାସୀ

ସେ ପାଦେ ନୋଇଁବା ଶିର ।।