Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

Prabhati Mahapatra

Abstract Drama Action

4  

Prabhati Mahapatra

Abstract Drama Action

ସୃଷ୍ଟି ଓ ବିଲୟ

ସୃଷ୍ଟି ଓ ବିଲୟ

1 min
288



ମିଛ ଏକ ମାୟା ପୁରେ ଜନମ ଏ ପ୍ରାଣ

କେମିତି କହିବି ସର୍ଜନର ଅଙ୍କୋରଦ୍ଗମ ।

ବିନା ଖାଦ୍ୟେ ବିନା ଜଳେ ଜନନୀ ଉଦରେ

କର ଯୋଡ଼ି ମୁକ୍ତି ପାଇଁ ପ୍ରଭୁ ନାମ ଧରେ ।

ଦଶମାସ ଦଶ ଦିନେ କୁଆଁ କୁଆଁ ରାବେ

ଧରଣୀ କମ୍ପାଇ ଆସେ ଆନନ୍ଦେ ଗରବେ ।

ଶଶିକଳା ପରି ପ୍ରଭା ଧୀରେ ଧୀରେ ବଢେ

ଧୂଳି ବାଲି ମାଟି ଘାଣ୍ଟି କେବେ ଉଠେ ପଡେ ।

ମାତାଙ୍କ ମମତା ଦାନ ଅତ୍ୟନ୍ତ ସରଳ

ବିନା ପ୍ରଭୁ ଧ୍ୟାନେ ଯାଏ ସୁଖେ ବାଲ୍ୟକାଳ ।

ସେହି ସ୍ନେହ ମନେ ହୃଦେ ଗୁରୁ ଠାରୁ ଭାରି 

ଯେବେ ନାରୀ ହସ୍ତ ଧରି ଭୋଗେ ସୁଖ ଶିରୀ ।

ସୁଖ ଦୁଃଖ ବାଣ୍ଟିବାକୁ ଯେବେ ଆସେ ସାଥୀ

ଗୃହ ଜଞ୍ଜାଳ ରଥରେ କରାଏ ସାରଥୀ ।

କେତେବେଳେ ଚାଲି ଗଲା ଭରା ଯଉବନ

ବିବାହ କରିବେ ଏବେ ଜନ୍ମିତ ସନ୍ତାନ ।

କ୍ଷୀଣ ହୁଏ ବଳ ବୀର୍ଯ୍ୟ ଧୁଡୁ ଧୁଡୁ ଚର୍ମ 

ତଥାପି ବଞ୍ଚିବା ନିଶା ଛାଡେନା ଅଧମ ।

ଉଡିଲାଣି ପକ୍ୱ କେଶ ଯେହ୍ନେ ଶୁଭ୍ର ଢାଗା

ତଥାପି ପ୍ରଭୁଙ୍କ ନାମ ନଚିନ୍ତେ ଅଭାଗା ।

ଲୋହିତ ରଙ୍ଗରେ ଅସ୍ତାଚଳେ ଭାନୁ ଛବି

ଘର ବାହୁଡ଼ା ହେଲେଣି ଖଗମାନେ ରାବି ।

ଘର ଚାଳପରେ ବସି ଡାକିଲାଣି ପେଚା

ନୟନେ ସପନ ଲତା ଦିଶେ ଏବେ କଞ୍ଚା ।

ବୁଝେନା ଅବୋଧ ମନ କ୍ଷଣିକ ଏ ଦେହ

କାହିଁକି ଲଗାଇ ଅଛି ଏତେ ମାୟା ମୋହ ।

ଭବ ରଙ୍ଗ ଭୂମି କୋଳେ ଆଶା ଚିର କାଳ

ଜାଣେନା ନାଟକ ଶେଷେ ଫୁଟିବ ସକାଳ ।

ପୁଣି ଏକ ଚରିତ୍ରର ହୁଏ ଉନ୍ମୋଚନ

କାହାର ରହିବ ନାହିଁ ଅଙ୍କୁଶ ଶାସନ ।

ପତିଆରା ଯେତେ କର ସମୟର ଆଗେ

କ୍ଷୀରକୁ ଅନଳ ଯେହ୍ନେ ଉତୁରାଏ ବେଗେ ।

ହାଟ ସରି ଗଲେ ଆଉ ହୁଏ ନାହିଁ ବିକା

ସଂସାର ବୋଝକୁ ଧରି ଫେରି ଯିବୁ ଏକା ।

ଲାଭ କ୍ଷତି ବିଚାରକୁ ନେଲେ ନାରାୟଣ

ଯେତେ ଗର୍ବ ଥିବ ତୋର ଯିବରେ ଶ୍ମଶାନ ।



Rate this content
Log in

More oriya poem from Prabhati Mahapatra

Similar oriya poem from Abstract