ମିନତୀ କରୁଛି ଆହେ ଦୟାମୟ
ମିନତୀ କରୁଛି ଆହେ ଦୟାମୟ
ଦୁଃଖର ଶ୍ରାବଣ ଦୂର ହୋଇଯାଉ
ସୁଖ ଇନ୍ଦ୍ରଧନୁ ରଙ୍ଗ ଭରିଦେଉ ।
ଅଶାନ୍ତିର ଝଡ ଦୂରେ ଦୂରେ ରହୁ
ସ୍ୱାସ୍ଥ୍ୟର ସଂପଦ ଠୁଳ ହୋଇ ରହୁ।
ଜଗତର ନାଥ ଢାଳନ୍ତୁ ଆଶୀଷ
ପରମାୟୁ ହେଉ ଶତକ ବରଷ ।
ସଫଳତା ଭରୁ ଭବିଷ୍ୟ ଜୀବନେ
ପରିବାର ସହ ଥାଅ ଖୁସି ମନେ ।
ହେଉ ଶାନ୍ତି ଭରା ନିରୋଗ ଜୀବନ
ପୂରା ହେଉ ସବୁ ସୂଖର ସପନ ।
ସମୟ ନଈର ଏପାରି ସେପାରି
ସୁଖ ଦୁଃଖ ପରା ଦୁଇ କୂଳ ପରି ।
ଜୀବନ ନଉକା ବାହିଯା ନାବିକ
ଦୁଃଖ ପରେ ପୁଣି ଆସିବଟି ସୁଖ ।
ମନରେ ଧଇର୍ଯ, ସାହାସକୁ ନେଇ
ବିଶ୍ୱାସ ପୋତରେ ଭିଡିଦେ ତଲେଇ ।
ପାର ହୋଇଯିବ ଜୁଆରିଆ ନଈ
ମନେ ଶଙ୍କା ଆଣି ରହି ଯାଅ ନାହିଁ ।
ହସି ଖେଳି ଯାଅ ଜୀବନକୁ ଜୀଇଁ
ମନୁଷ୍ୟ ଜନମ ଦୁର୍ଲ୍ଲଭେ ମିଳଇ ।
ମିନତୀ କରୁଛି ଆହେ ଦୟାମୟ
ଆପଣାର ଜନେ ହୋଇଥା ସହାୟ ।।