Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra
Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra

Hrushikesh Satpathy

Abstract Others


4.5  

Hrushikesh Satpathy

Abstract Others


ରଜନୀ ଗୋ !

ରଜନୀ ଗୋ !

1 min 211 1 min 211

ରଜନୀ ଗୋ ! ତୁମେ ଅପସରି ଯାଅ

     ଅରୁଣ ଅପେକ୍ଷାରତ ,

ପୂରୁବ ଆକାଶ   ସୂଚାଇ ଦେଲାଣି

    ମଣ୍ଡିବେ ସେ ଅର୍କତୀର୍ଥ !


ଆସିବେ ଅରୁଣ  ବାଣ୍ଟିବେ କିରଣ

   ଧରା ହେବ ଆଲୋକିତ,

ତରୁଲତାସବୁ  ନବ ଆଲୋକରେ

   ହେବେ ଆଶା ବିମଣ୍ଡିତ ।


ପଦ୍ମ ପାଖୁଡ଼ାରେ  ଉଙ୍କି ମାରିଲାଣି

     ଶିରି ଶିରି ଶିହରଣ,

ସରସୀର ଜଳ  ରଙ୍ଗେ ଘନ ନୀଳ

     ମୃଦୁ ମଧୁ ଆସ୍ତରଣ ।


ସୁନୀଳ ସାଗର  ଊର୍ମି-ଉତ୍ସବରେ

   ନାଚୁଛି ହୋଇ ଉନ୍ମତ୍ତ,

ଶୀତଳ ସମୀର ଆନନ୍ଦ ବିଭୋର

   ଗାଏ ସୁଗମ ସଙ୍ଗୀତ !


ଅର୍କତୀର୍ଥେ ତାଙ୍କ ଶୁଭ୍ର ସିଂହାସନେ

    ହେବେ ସିଏ ଅଭିଷିକ୍ତ,

ବସୁଧା ବକ୍ଷରେ ଆଲୋକର ଧାରା

   ବିଂଛିବେ ହୋଇ ଆଶ୍ୱସ୍ତ ।


ଆସିବେ ଅରୁଣ    କଅଁଳ କଅଁଳ

    କିରଣ ଚାଦର ନେଇ,

ଦୂର ଦିକ୍-ବଳୟେ ଆସିବା ପଥକୁ

    ସାଗର ଅଛି ଅନେଇ ।


ଶାରଦୀୟ ସନ୍ଧ୍ୟା ରକ୍ତିମ ରଙ୍ଗକୁ

    କବରୀର ଆଢୁଆଳେ,

ବିଂଛି ଦେଇଥିଲ  ଘନ ଅନ୍ଧକାର

   ନୀରବ ବସୁଧା କୋଳେ ।


କିଛି କ୍ଷଣ ପାଇଁ ବିସ୍ତାରିଥିଲ ଗୋ'

   ଅନ୍ଧକାରର ସାମ୍ରାଜ୍ୟ,

ଚିରସ୍ଥାୟୀ କେବେ ରହିଛି,ରହିବ

  କାହାରି ନାହିଁ ସେ ଭାଗ୍ୟ ।


ପ୍ରତିଟି ପ୍ରାଣରେ ଆଲୋକ,ଅନ୍ଧାର

     ଅବଶ୍ୟ ଅନୁପୂରକ,

ଅନୁକ୍ରମଣିକା   ନୁହେଁ ଆବଶ୍ୟକ

    ନିଜେ ତୁମେ ପ୍ରବନ୍ଧକ !


ଅନ୍ଧାର ନ ଥିଲେ ଆଲୋକର ସତ୍ତା

    ଅନୁଭବରେ ଅଭାବ,

ଜନମ ନ ଥାଇ  ମୃତ୍ୟୁର କଳ୍ପନା

  କେବେ କ'ଣ କରିହେବ !

   

ପ୍ରଭାତ ଓଠରେ ଉଙ୍କି ମାରିଲାଣି

    ସ୍ମିତ ହସର ଲହରୀ,

ଯାଅ ଗୋ' ରଜନୀ,ରଜନୀଗନ୍ଧାର

   ସୁରଭିକୁ ବକ୍ଷେ ଧରି ।


ପ୍ରଭାତ ପ୍ରଦୋଷ  ତୁମ ଜୀବନର

    ଦୁଇଟି ପ୍ରମୁଖ ଅଙ୍ଗ,

ଜଣେ ତ ରକ୍ତିମ ଅନ୍ୟଟି କୁଂକୁମ

   ସରାଗ ଓ ଅନୁରାଗ !


ରଜନୀ ଗୋ ! ତୁମେ ବସୁଧା ମାଆର

    ନିଶୀଥ ଉର୍ବଶୀ କନ୍ୟା,

ଅରୁଣ ଯେ ତାଙ୍କ   ମମତା ପଣତ

    ଆଲୋକ ଉତ୍ସର ବନ୍ୟା !


ଜଣେ ରାଗ ଜଣେ ନିସ୍ତବ୍ଧ ରାଗିଣୀ

    ଉଭୟେ ପ୍ରିୟ ସନ୍ତାନ,

ଉଭୟଙ୍କୁ ନେଇ   ବସୁଧା ହସିବ

    ଈଶ୍ୱରଙ୍କ ବରଦାନ ।


ରଜନୀ ଗୋ ! ତୁମେ ସୁଗନ୍ଧା- ଶ୍ୟାମଳୀ

    ପ୍ରୀତି,ତୃପ୍ତି,ଅନୁପମା,

ବିଦାୟ ଦେଉଛୁ ସ୍ୱାଗତିକା ଗାଇ

    ରହିବ ହୋଇ ଉପମା !


Rate this content
Log in

More oriya poem from Hrushikesh Satpathy

Similar oriya poem from Abstract