ପାଦ ଚିହ୍ନ

 

ସମ୍ପର୍କର ସେତୁ ପ୍ରାଣମୟ ଶକ୍ତି

ବଚନ ସ୍ନିଗ୍ଧତା ଆଭାସର ମୁକ୍ତି

କୃତକାର୍ଯ୍ୟ ମୂଳ କଥାର ସାତ୍ତ୍ୱିକ

ଅଳ୍ପ ବହୁତରେ ନିପୁଣ ଭୌତିକ ||

ବାଲୁକାମୟ ଅନୁଭବ ତୁମ ବିଦ୍ୟା

ସ୍ଥାନେ ବିରାଜିତ ଅଟ ଗଙ୍ଗୋଦ୍ୟା

ସମୁଦ୍ର କୂଳ ସ୍ଥିତ କଳିଙ୍ଗ ଭାରତ

ଦିଗବଳୟ ମନ ଉତ୍ତରକୁ ବ୍ୟାପ୍ତ ||

ଆଶାର ସୌଧ ମନର ଶିଖର

ଶିଖାଇ ଦେବାକୁ ଉଦ୍ୟମ ପ୍ରଖର

ଚାଲୁ ଚାଲୁ ପାଦେ ଥକା ଅନୁଭବ

କଦାପି ନୋହିବ ରହିଯିବ ଭାବ ||

ମଣି ମୁକ୍ତା ଗଜକେଶରୀ ଶାମୁକା

ଚିହ୍ନ ରହିଛି ଆଉ ରହିବ ସ୍ମୃତିକା

ହସ୍ତା ପଦ୍ମା ରୂପେ ଜନ୍ମ ନେଇ ପାର

ରଖି ଦେଇଗଲ ବିଶ୍ୱାସ ତୁମର ||

ସାମାନ୍ୟ ନୁହଁଇ ଶୋଭା ବର୍ଦ୍ଧନରେ

ପାଦ ଚିହ୍ନ ତବ ଅନୁସରଣରେ

ଅମୂଲ୍ୟ ବର୍ଦ୍ଧକ କାନ୍ତିପ୍ରଦ ମର୍ମ

ସଦା ଝୁରି ଝୁରି ଶିଖେ ତୁମ ଧର୍ମ ||