ଯୋଡାଏ ଆଖି
ଯୋଡାଏ ଆଖି


ଜୀବନ ପାଇଛି,ପୂର୍ଣ୍ଣତା ବଢ଼ିଛି
ଆଖି ମୋର ସଦା ସାକ୍ଷୀ
ଏକ ଆଖି ଅଟେ ନୁହେଁ ମୋର ସାକ୍ଷୀ
ପାଇଛି ଯୋଡାଏ ଆଖି ।
ଏକ ଆଖି ସଦା ଡରୁଥାଏ ଦେଖି
ସାଥିଟିକୁ ଖୋଜୁଥାଏ
ଯୋଡାଏ ଆଖିରେ ସୁନ୍ଦର ଦିଶଇ
ଝକ ଝକ ଦିଶୁଥାଏ ।
ସବୁବେଳେ ଆଖି ଦେଖୁଥାଏ ରଖି
ପଲକ ପକାଇ ଧିରେ
ଦୁଇ ଆଖି ସଦା ସାଙ୍ଗ ହୋଇ ଦେଖି
ସ୍ୱଚ୍ଛ ମନ ସଦା ଧରେ ।
ରଙ୍ଗର ଦୁନିଆଁ ଆଖି ଆଗେ ନାଚେ
ଆଖି ଦେଖେ କରି ଠାଣି
ଚାହାଣୀ ଭିତରେ ଆଖି ଯୋଡ଼ିକର
ହୃଦ ଭରିଦିଏ ଆଣି ।
ସବୁଠି ଆଦର ସବୁଠି ସୁନ୍ଦର
ଯୋଡ଼ାଏ ଆଖି ମୁଁ ପାଇ
ଭଲ ଖରାପକୁ ବାଛି ଦେଖିନିଏ
ହାଲିଆ ହୋଇଲେ ଶୋଇ ।