ପ୍ରାୟଶ୍ଚିତ

କେତେ ଭଲ କାମ କରିଲି ସଂସାରେ

କେହି ନ ଜାଣିଲା ମନ

ବାପା ମା ମୋର ଚାଲିଗଲେ ବୋଲି

ପର ଘରେ ଗଲା ଦିନ/

ଭଲ ପାଇବାର ଅଭିନୟ କରି

ହାତ ଧରି ବିଭା ହେଲା

ଚାକୁଲା ଚାକୁଲା କଥା କହି କହି

ଅଳସୁଆ ହୋଇଗଲା/

ଅଧର୍ମରେ ବୁଡି ନ ଶୁଣି କା କଥା

ପୁଜା ପାଠ ନାହିଁ କଲା

ଯେତେ ଭଲ କିଏ କହିଲେ ନ ଶୁଣି

ଜବାବ ସୁଆଲ ଦେଲା/

ଧୀରେ ଧୀରେ ଯେତେ ସାଙ୍ଗ ସାଥି ଥିଲେ

ସବୁ ଛାଡ଼ି ଚାଲିଗଲେ

ଏକୁଟିଆ ଘରେ ରହିଲା ଦେଖିଲା

କାହିଁ ସାଙ୍ଗ ସବୁ ଗଲେ/

ମନରେ ଆସିଲା ନୂଆ ଭାବ ଜ୍ୟୋତି

ଭାବନାରେ ଗଲା ବୁଡି

ଆଲୋକ ଦେଖିଲା ସୂର୍ଯ୍ୟର ବଳରେ

ପ୍ରାୟଶ୍ଚିତ ହେଲା ଗଡ଼ି/

ସୁନ୍ଦର ଦୁନିଆଁ ସ୍ୱାର୍ଥର ବଳୟ

ପାଶେ ଯିଏ ଅଛି ସିଏ

ମୁଁ ହେଲି ତୁମର ପ୍ରୀତିର ପରିଧି

ତୁମେ ହେଲ ମୋର ପ୍ରିୟେ/