ଅକ୍ଷମ ହେଉ ସକ୍ଷମ

ଛୋଟା କଣା କୁଜା କେହି ଅକର୍ମଣ୍ୟ

ପଡୁନାହିଁ ଭାଙ୍ଗି ରୁଜି

ବିଜ୍ଞାନ ବଳରେ ସବୁ ଅସମ୍ଭବ 

ସମ୍ଭବ ହେଉଛି ଆଜି ।

ପାଇ ପାରୁଅଛି ଅନ୍ଧ ଚକ୍ଷୁଦାନ

ଲେଙ୍ଗଡା କୃତ୍ରିମ ଅଙ୍ଗ 

ମିଳୁଛି ସୁଲଭେ ତ୍ରିଚକିଆ ଯାନ

ହୁଏ ସେ ଚଳତକ୍ଷମ ।

ଥିଲେ ମନୋବଳ କରୁଛି ଅକ୍ଷମ

ଦୈନନ୍ଦିନ ବହୁ କର୍ମ 

ନ କରି ନିର୍ଭର ନିଜ ଇଚ୍ଛାମତେ

କରୁଅଛି ଉପାର୍ଜନ ।

ନଡା ଘାସକୁଟା କଞ୍ଚା ଡାଳପତ୍ର 

ଶୁଖିଲା କାଠ ଜାଳେଣି

ଗୋଟିଏ ଠାବରୁ କରି ସଂଗୃହୀତ 

ଯାନେ ପାରେ ବହି ଆଣି ।

ଦେଖାଏ ଅକ୍ଷମ କ୍ରିଡା ଶିକ୍ଷାଦୀକ୍ଷା

ଅଭିନୟ ନିପୁଣତା

ସାଧାରଣ ଭାବେ ଜୀଇ ରହିବାକୁ

ରହିଛି ତାର ଦକ୍ଷତା ।

ଦେବା ସହଯୋଗ ଆଶା ଓ ଭରସା

ଅକ୍ଷମ ହେଉ ସକ୍ଷମ

ଖେଳିଲେ ତା ମୁହେଁ ହସ ଧାରଟିଏ 

ଖୁସି ହେବେ ଭଗବାନ ।