व्याकरणाचा तास

हसतच आल्या आज

बाई आमच्या वर्गात

शिकू हसत खेळत

बोलल्या गोड सुरात

कुसुम नि सुमनच्या

फूल एक दिले हाती

मग हसून म्हणाल्या

पुष्प आहे गोड किती

दिनकर व रवीला

दिले सूर्याचेच चित्र

हळू बोलल्या कानात

हाही तुमचाच मित्र

अंबर आणि गगन

आकाशही सोबतीला

आभाळाच्या चित्रासाठी

व्योम दिला मदतीला

गट करुनि आमचे

मॅडमनी केले स्पष्ट

गटामध्ये दडलेली

समान अर्थाची गोष्ट

डोलविल्या आम्ही माना

सगळ्यांनी होकारार्थी

समजलो आम्ही सारे

शब्द कसे समानार्थी.