पुस्तक ( बालकविता )

मराठीचे पुस्तक माझ्या

खूप खूप आवडीचे

कविता, धडे छान, छान

पुस्तक सदा तेच उघडायचे.....

गणिताचे पुस्तक नुसती

आकृत्या , आकडेमोड 

अभ्यास न करणाऱ्यांची

मोडते बघा पुरती खोड....

इंग्रजीच्या पुस्तकातील

ऱ्हाईम्स फक्त आवडतात

कृती करून म्हणतांना त्या

व्यायाम मग घडवतात......

परिसर अभ्यासातून

होते माहिती भोवतालची

शिवरायांच्या चरित्राची

होते भेट ती इतिहासाची......

कला ,कार्यानुभव

जोड लागते कृतीची

शारीरिक शिक्षण मग

ती पूर्वतयारी खेळाची.....

दाप्तरामधे पुस्तके माझे

खेळीमेळीने राहतात

अभ्यास करण्यास घेतो 

अन् हुषार मला बनवतात....