सिंधु

हरवली आज। अनाथांची माय ।

वासरांची गाय। सिंधुताई।।

पोरक्यांस होती ।मायेचा आधार।

स्वप्नास आकार। तिने दिला।।

अनाथासी झाली । बाप आणि माय ।

दुधाची गं साय । निराधारा ।।

सोसल्यास किती ।असह्य वेदना ।

नरकयातना । जीवनात ।।

प्रेमाचा सागर । मायेची पाखर ।

ममत्वाचा स्वर । हरवला ।।

शमनार नाही ।ममतेची भूक ।

काय झाली चूक। देवा सांग ।।

एकटीच जरी । अनेकांची आई।

झाली 'सिंधु' बाई । नावासम।।

दाविली तू वाट । ठेवितो स्मरणी ।

नमितो चरणी । माई तुझ्या ।।