ലൈബ്രറി
പ്രൊഫൈൽ
काव्यात्मक कोडे
काव्यात्मक कोडे
1 min
474
पांढरा शुभ्र माझा रंग
कापसासम मऊ अंग
पाहून मला सारे कसे
अगदीच होतात दंग।।१।।
गुंज जशी लाल लाल
तसे डोळे माझे लाल
माझ्या सवे खेळाया
जमती बाळ गोपाळ।।२।।
आवडते खाद्य माझे
गोकर्णीचा तो पाला
हिरवागार लुसलुशीत
आणि कोवळा कोवळा।।३।।
चाल माझी तुरुतुरु
अंगी फार चपळाई
लागता जरा चाहूल
पळायची खूप घाई।।४।।
ओळखा पाहू कोण
बिळामध्ये मी राहतो
भित्री भागूबाई नाव
कशालाही घाबरतो।।५।।
