वंशवृक्ष...

लेक जन्माला येता

मी खचलो मुळीच नाही..

जगावेगळा आनंद झाला

तिचं ओझं वाटलं नाही..

       मुलासम पुरवून लाड

       लेक सानूली वाढवतो..

      "आनंदी बालिका- भविष्य देशाचं"

        वास्तव समोर मांडतो..

लेक जगवून उमलणाऱ्या

कळ्यांचा व्हावा जन्मसोहळा..

लेक आहे "वंशवृक्ष"

छाया देई दोन्ही कुळा..

         सकारात्मक विचारांचा

         पेटवू मनी दिपस्तंभ..

         आधुनिक- प्रगत भारताचा

         मुलगीच खरा आधारस्तंभ..

म्हणणं माझं एवढं ऐका

स्त्री भ्रूणहत्या थांबवा बरे..!

मुलासम मुलीलाही

जगण्याचा हक्क आहे रे..!