कितीदा नव्याने तुला आठवावे

कितीदा नव्याने तुला आठवावे
ह्रुदयात पुन्हा तूच तू असावे..!
मिटलेल्या डोळ्यातही तूच असावी
की जागेपणी स्वप्नांनी मला फसवावे ?

तुझे ते गोड शब्द, नाजूक आठवणी
दरवळतात बनून नवी प्रेमकहाणी..!
तुझ्या सहवासातील ते मौलिक क्षण
जपून ठेवलाय हृदयी मनाच्या कोनी..!!

भांडणे, विव्हळणे प्रेमभाव म्हणतात
पण तुझ्या अस्तित्वखुणा शाश्वत असतात..!
पुन्हा एकदा तुला नव्याने भेटण्यासाठी
शब्दच शब्दांचा आधार बनतात..!!