वंशिका..

घरोघरी-गावोगावी 

स्त्रीशक्तीचा जागर व्हावा..

वंशाच्या दिव्यासम

वंशिकेला सन्मान मिळावा..

         संस्कार- संस्कृतीची वंशिका

         आपली आन-बाण-शान..

         स्वतःच्या आई- बहिणीसम

         द्यावा तिजला मान..

मोकळ्या आकाशी तिजला 

स्वैर विहारु द्यावे..

नसत्या बंधनाचे जोखड

तिला कशाला हवे..?

         नवरात्रीचे नऊ रंग

       आपणांस भक्तिभाव सांगतात..

        चंडिका-दुर्गा-भवानीच्या

       रुपात मुली जन्म घेतात...

"स्त्रीभ्रूण हत्या" त्यागून

घालू नवा आदर्श..

"मुलगा-मुलगी एकसमान"

बिरुदाला करू कृतीस्पर्श..