वंचना मनाची ...

ही वंचना मनाची ,

प्रेमात सुखावलेल्या पाखरांची ,

भेटूनी गिरकी आकाशात घेता ,

क्षणात ताटातूट जीवनाची ...

रडणे आम्हा नशिबात का ? ,

वारा सुखाचा वैरी ,

स्वर्ग अवतरला क्षणात ,

क्षणात आयुष्य वैरी ...

दुरावा जाळते दिन रात ,

वैरण रात्र भरात ,

हुंदके दाटूनी चंद्र ,

वाट भुलला काळोखात ...

शरीर जिवंत मन मरते ,

ना आवड ना सुख दिसते ,

आता जगते , फक्त जगते ,

का नेहमी असेच होते ...

ही वंचना मनाची ,

प्रेमात सुखावलेल्या पाखरांची ,

भेटूनी गिरकी आकाशात घेता ,

क्षणात ताटातूट जीवनाची ...