Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sanjay Gurav

Classics Fantasy

3  

Sanjay Gurav

Classics Fantasy

वादळी पावसात...

वादळी पावसात...

1 min
38


मनाला या आधीच भारी

पावसात भिजायची हौस

छत्री नसतानाच यायचा

नेमका वादळी पाऊस


पहिलं भिजणं असंच व्हायचं

भिजता भिजता विसरून जायचं

काळ वेळेचं भानच नसायचं

दरवर्षी हे ठरलेलंच असायचं


भिजत भिजत मग टपरी गाठावी

वाटायचं तिथे "ती" ही भेटावी

कपाला बशीची अशी साथ असावी

चहा संपण्याआधी बसच सुटावी


ओल्या पावसातही असं स्वप्न पडे

चहासोबत खुणावत गरमागरम वडे

घोटासोबत स्वप्न पोटातच मग दडे

पुरता वाळलो तरीही मन मागे-पुढे


मी आणि वादळी पाऊस दोस्त पक्के

दोघांची सोबतही होतीच जरा हटके

कधी अकस्मात तोही द्यायचाच धक्के

वर्षात एखादी भेट व्हायची... शंभर टक्के


Rate this content
Log in