गुढी उभारू

नव वर्षाचे स्वागत

करू चला आनंदाने

गुढी उभारू प्रेमाची

भेटू सर्वांना प्रेमाने

सण पाडवा चैत्रात

साडी गुढीला जरीची

माळा घालू शोभिवंत

जपू रीत संस्कृतीची

परंपरा पाडव्याची

खाऊ कडूलिंब गोळी

नाही चिंता आरोग्याची 

जेवणात मस्त पोळी

साडेतीन मुहूर्ताचा

सण पाडवा असतो

नवे कार्य शुभारंभ

याच दिवशी करतो

माणुसकी जपू सारे

करू साजरा पाडवा

प्रेम भाव तो अर्पूया

मनी ठेऊनी गोडवा

नष्ट करा कोरोनाला

विनवितो तुला देवा

टळो संकट देशाचे

खातो आशेने हा मेवा