आई
आई
रोज नेम माझा असतो
ऑफीस मधून आल्यावर
आईला जावून भेटतो
बरे वाटते तिला बोलल्यावर
थकले रे आता
आई म्हणाली जेंव्हा
काळजात धस्स झाले
घालमेल झाली तेंव्हा
तिचेही वय झाले
मी कसा विसरलो
मान्य माझेही वय झाले
पण तिच्यामुळे लहान राहिलो
आज निरखून बघितले
सुरकुतलेला हात धरला
डोळे माझे पाणावले
हात डोक्यावर मीच घेतला
जादूची झप्पी दिलीआईला
काही दिवसांत प्रवास संपेल
भावना कळली तिची मला
काळजी नको मी तुला जपेल
कसनुस हसत 'बाळा' म्हणाली
कंठ दोघांचा दाटून आला
बर्याच दिवसांनी हाक मारली
एक आवंढा मी गिळला
आत्ताच जणू पोरका झालो
क्षण हळवे करून गेला
डोळ्यातले पाणी पुसू लागलो
मी तिचा हात घट्ट धरला
बळेच मग मी हसलो
म्हणालो चल फिरुन येवू जरा
तिच्यासह बाहेर पडलो
तिचा हसरा चेहरा वाटला बरा