तू बघ माझ्या नजरेतून

तू येणार असशील तर 

ये माझ्या जीवनात 

जर जग पहायचं असेल तर 

ते पहा माझ्या नजरेत....

  

   जर ठेवणार असशील अपेक्षा

      सुख समृद्धी मिळवण्याची 

      तर मात्र माझा नकार आहे 

  कारण मला सवय आहे चळवळीची....

त्यासाठी तुला पहावं लागेल 

माझ्या नजरेतुन ह्या जगाला 

मग ते खैरलांजी असो की भिमाकोरेगाव 

अगदी खंबिरपणे प्रत्येक क्षणागणिक 

तुला द्यावी लागेल साथ लढायला...

      माझं जीवन म्हणजे 

      जिजाऊंची धारदार तलवार 

      सावित्रीमाईंची झुंजार लेखणी...

      अन्यायाविरुद्ध लढणारी एक वावटळ आहे

      आणि म्हणुनच लढतांना 

      कदाचित मी संपेन, तेव्हा मात्र तुला 

      माझ्या नजरेतून जग पहायचयं...

हा लढा अविरत चालू ठेवण्यासाठी 

या बाबासाहेबांच्या पावनभूमीत 

निळं निशाण फडकविण्यासाठी...