व्यसनमुक्त

आईने सौभाग्याच्या कुंकवासाठी 

केला रात्रीचा दिवस संसारासाठी 

पण बापाची दारू सुटतासुटत नव्हती

संसाराला हातभर लावायला दमडी उरत नव्हती

 बापाचा जीव दारु शिवाय राहत नव्हता

घरात येताच आईला मारहाण करत होता

लेकरांना पाहुन आई गप्प बसत होती

दिवसभर राबराबुन संसार करत होती

त्या दिवशी आईने काम लवकरच उरकलं

लोकांची भांडीधुणी करण्यासाठी निघाली 

आरशात पाहुन कपाळावर कुंकु लावलं

बाप झोपलेला पाहुन पाय कमाकडे वळविली 

आई कामावरुन झपझप पावलं टाकीत घराकडं परतली

तेव्हा गल्लीतल्या मानसांची गर्दी दारापुढ दिसली 

सगळे आईकडे पाहुन रडु लागले

आज बाप *_व्यसनमुक्त_* झाला होता कायमचा,

आणि आईचा प्रवास विरहाचा

आई म्हणाली, "अहो..तुम्हाला दारुनेच गिळलं,मला दुनियेत कुणीच नाही उरलं"

आई जळत असलेल्या बापाकडे बघत होती

अन् मी मात्र आईच्या उजाड कपाळाकडे पाहत होती...